كركر

انا: يوه ينيلك ده كلام يتقال 

انا :هههههههههههههههههههههههههههههههههههااااييييييييييييي اخخخخخخخخخخخخخخ لا طبعا مافيش غير 90 دقيقة والعاشرة مساء

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

114 تعليق »

الأمانة ..الأمانة اياكم وتضييع الأمانات …مهما زاد حجم الامانة وحملها بقا تقيل المفروض مانضعفش ولا نطمع فيها
حكوماتنا الرشيدة عندها قيم ومبادئ لا تتجزأ ..زي قيمة الامانة في حياة المصريين وترويض الشعب ازاي يحتفظ بالامانة لاقصى وقت ممكن
وهي الزبالة
يااااااااااااه قد كده الحكومة بتثق في شعبنا لدرجة انها بتسيب الزبالة في الشوارع وجنب البيوت امانة لانها ماتقدرش تسـتأمن حد غريب عليها
هوا صحيح الامانة دي غالية وكبيرة بس احنا اكبر منها .ايوه احنا اكبر من الزبالة دي ولا يمكن عنينا تزوغ عليها ولا نلعب فيها او نحركها من مكانها
لان ده يبقا خيانة وتبديد
وبيبان معدن الشعب الحقيقي في قوة تحمله للاحتفاظ بالامانة دي لفترات طويلة تتجاوز الشهور وجايز السنين من غير اي تعديل او تبويظ او خنسرة
منها من ورا الحكومة
مين فينا من المصرييين اهما حيوية وعزم وهمة مش مؤتمن على أمانة من النوع ده
أكيد كلنا حراس أمناء على الامانة اللي من النوع ده
والمخلص فينا صاحب الشهامة هوا اللي يزود الامانة ويكبرها ويرعاها  لحد ما صاحبها (اللي هيا الحكومة) تيجي وتطمن عليها وتتأكد ان المصريين
يقدروا يتحملوا ..مش زي بقية الشعوب الطرية اللي مابيستحملوش  غير 4 او 5 اكياس كل يومين
انما احنا بالصلاة على النبي ..احنا بقينا مدمنين زبالة بنشم زبالة ..بنتكيف ومخنا يتعدل من الروايح اللوكس
ناموس يقرص مستحملين وصامدين
دبان يعف علينا ..برده رجالة وشداد
أمراض تلوث وماله ..برده عتاولة و

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

149 تعليق »

مامي حبيبتي مهندسة زراعية ..بتفهم في جميع اوراق النباتات  الخضرا  وخصوصا .ورق العنب وورق الكرنب وورق اللورو..
عمرها ربنا يزيد ويبارك 56 فاضلها 4 زلطات وتطلع بره
مامي الحلوة من يوم مافتحت عنيا الحلوين لقتها بتخرج للشغل يوميا الساعة 8 بعد مانسمع فؤاد المهندس كلمتين وبس وهمسة عتاب
تشرب الشاي بحليب زي الشطاروتاخد معاها ساندوتشين واحد جبنة وواحد مربى وقشطة ومعاهم خيارة ..لزوم التطرية ..
والبروجرام اليومي ده مايتغيرش ابدا الا لظروف قاسية جدا
زي مثلا افطار جماعي من زميل او زميلة متبرع بساندويتشات فول وطعمية او فطير مشلتت  المتغمس في المش ابو سوسو ..
ووقتها البروجرام  بيتغير وبتبقا لقطة كلها ود وحنان وتالف عجيب بين الموظفين وبعضهم

ماما زي كل الموظفين اللي في بلدنا من احوالها باعرف النظام ايه
يااااااااااااااااه فين ايام تابلوهات الكنفاه اللي ماما ياما سهرت من الصبح للظهر تشتغلها بايديها  في الشغل هي وكل زميلاتها الموظفات
انا في رايي ان الوظيفة فادت ماما جدا جدا ..اتعلمت فيها الكنفاه  وعملت اجدع تابلوهات حية …وازاي تعمل بلوفرات تريكو اشكال والوان تدفينا في برد الشتا غير تدريبات على الباترونات والتفصيل على المكنة لانتاج اجدع بيجامات حريمي ورجالي 
واخدت ماما المستوى الاول في الجمهورية لحل الكلمات المتقاطعة …وياما ياما استفادت من الصالونات الثقافية لمناقشة ابواب هامة في الجرايد زي بريد الاهرام مع زملائها
ده غير الشوبينج اللي على المرتاح جدا وانت قاعد مكانك باشا الشوبينج يجيلك لحد عندك ..انت ماتقومش  …الباعة المتجولين هايفوتوا عليك ويرموا في حجرك اللي يقدرهم عليه ربنا و كله بالتقسيط
امشاط فلايات اطباق صيني ملابس اطفال وداخلية رجالي وحريمي وكل اللي في نفسك
ولا الجمعيات اللي بين الموظفين اللي ياما ياما اشتركنا فيها ومنها بيضنا وغيرنا الستاير وغيرنا سيراميك الحمام..ده غير توطيد الاواصر بين الموظفين وبعضهم
خصوصا لما موظف يتاخر في الدفع ويتحد الموظفين على كلمة واحدة بتعلم  علامة مش بطالة اعلى جبهة المتخلف عن الدفع
يووووووووووووووه…يعني الشغل بالنسبة لنا ولماما زي النادي تمام

لقيتها اليومين اللي فاتوا متعكننه ومتضايقة جدا جدا وكل يوم راجعة الضهر تنفخ ليه ياستي
قالتلي الحضور والانصراف بقا بالبصمة
يعني ايه ؟؟؟؟؟؟يعني جهاز نحط صباعنا عليه عشان تثبتي حضور ووقت الانصراف الساعة 2 برده نبصم
ماما وهيا بتنوح  :يعني بعد العمر ده كله …ياربي على اخر الزمن نقعد للساعة 2 واحنا بدرجة مدير عام  ايه التهزيئ ده…
ونجري في المديرية واحنا بنتدارى ورا الشجر والعربيات
عشان ماحدش يشوفنا ………
المصيبة السودا لو مابصمناش نتحول للتحقيق وخصم من المرتب

انا :طب والحل ايه انتي في سنك ده مش هاتستحملي تقعدي من 8 لحد 2  وكمان من غير شغل يعني ملل ..وانتي عمرك مامارستي رياضة اليوجا لفترات طويلة
وكمان من زمان اتعودتي على انك تروحي 8 قولي 8 وربع تبقي على مكتبك 8 ونص
تناميلك ساعتين وتزوغي  من المدير الساعة عشرة ونص  تبقي في البيت 11ونص عشان تلحقي الطبيخ ولسه كمان هاتتنططي في المواصلات عز الحر الساعة 2 وانتي بطلتي جمباز بقالك 5 سنين

ماما :لا لا ماهو ايه احنا سالنا وعرفنا ان المكنة دي اللي هما جايبنها بتبوظ بطريقة معينة ..كتر خيره عوضين الهي ينورله طريقه قالنا
لو بصمنا عليها واحنا داهنين صوابعنا كريم او فازلين المكنة تبوظ
وكمان اتفقنا كلنا اننا  نفضل نقشر في بتنجان طول الليل… لحد مابصمة صوابعنا تتشوه مكان السكينة والتقشير والبصمة ماتجيش ابدا
 والمكنة تفضل تقول again again
يعني تاني تاني لحد مايقولولنا امضوا في دفاتر الحضور والانصراف

انا: ااااااااااااااااااااه ودفاتر الحضور والانصراف مين اللي قاعد عليها اللي قاعد عليها عمو الاستاذ عوضين بيقبض من كل موظف شهريا مبلغ ويمضي هوا مكان الموظف
ههههههههههههههههههههههههه

ده فيه موظفين مابيجوش اساسا الشغل الا لصرف المرتب شهريا وطبعا ليهم بيزنس بره في ااوقات العمل الرسمية

واللي بيمضي مكانهم هوا الاخ  المناضل عوضين
عشان كده تلاقي الاخ عوضين من يوم

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

83 تعليق »

علي دايخ ودماغه بتللؤ بس شايف شربات داخلة عليه واحدة واحدة وشايلة في ايديها ؟؟؟
علي :ايه ده ؟؟..ياآخر لحظاتك ياعلي .. ايه اللي انا شايفه ده  .. جمجمة ؟؟جمجمة؟  والله العظيم جمجمة تلاتة بالله العظيم جمجمة
اصحى ياعلي فوق ياخويا .. لا لا لا  فوق انت بتحلم  مش كده برده؟؟
وايه اللي في ايديها التانية ايه ده اللي شايلاه ؟؟فاس ؟؟ اهئ اهئ انا كان قلبي حاسس ان نهاية حياة قرصان لازم هاتبقا مقندلة بستمية الف نيلة
..ياخيبتك ياعلي ياترى ايه اللي هايجرالك وشربات هاتضرب بالفاس في اي منطقة بالظبط ..علي وهوا  دايخ مغمض  ..ياأخت شربااااات ..مافيش بعد إذنك ساطور
أحسن؟؟..بلاش الفاس مش عاوز معالمي تضيع ..  خليها ساطور.. ده انتي ست مصرية جدعة..ليه مش زي اخواتك المصريات ليه؟؟ مشيها ساطور وخلي الاكياس البلاستيك عليا
كده يامعلم عسران ..انا عملت ايه فيك؟؟طيب بلاها شربات وناخد حلاوتهم..حلاوتهم ..حلاوتهم  ..فين مياه النار ؟؟ رشة تفوت ولا حد يموت
علي وعنيه بتزوغ خلاص:ليه ياشربات كده ليه؟؟؟ ده انتي دخلتي قلبي خلاص …وقعد ينوح ويولول  ..خلاص المخدر وصل للقمة وعلي بيغني بصوت ضعيييييييييييييف
 الارض العطشانة نرويها بدمانا  بدمااااااااااااناااااااا    دماااااااااااااااانااااااااااااااا  دماااااااااناااااااا   خخخخخخ ونوم عميق)
وشربات بتقرب من علي حبة حبة وبتبصله وكانها واحدة تانية مش في وعيها ..علي وقع من فوق الكرسي علي الارض   على وشه  بعد مافقد وعيه

وشربات ركنت الجمجمة جنب دماغ علي بالظبط وقعدت تكلمها بكلام مش مفهوم اكتر من عشر دقايق وبعدين باست الجمجمة في راسها وحسست على قرعتها بحنان غريب
ورفعت الفاس بكل قوتها عشان تنزل بيه على راس علي وهيا بتقوله: كلمة واحدة هارد بيها على كله اللي عملته فيا وفي الكوباية.. يافلاء الجماجم ياشعبان الكلب
بس اللي وقفها خبط جامد ودق شديد على باب الاوضه وصوت المعلم عسران والواد صبيه شمه وهما بينادوا عليها شربات افتحي
ياشربات افتحي ..مش هوا ده ؟؟ مش هوا ده شعبان ؟؟ مش هوا ده شعبان .. ده عريسك واسمه علي ..وخبط خبط كل ده وشربات رافعة الفاس
وبتبص على باب اوضتها وهيا تايهة
المعلم شخط في شمه :اكسر الباب ..بسرعة المعلم علي يوسف  هيروح في  شمة مياه ياجدعان
شمة رجع لورا كتير اوي وقام مندفع مرة واحدة وهوا باقصى سرعةوبيصرخ :هااااااااااااااااااا
واصطدم بالباب بكل قوته  لقا نفسه جوه الاوده بيجري مندفع غصب عنه وقام متكعبل في جسم علي ومرمي فوقه بالظبط ..وشربات بتبصلهم وهيا مبرقة عنيها
دخل المعلم بسرعة ونتش الفاس من ايد شربات..وقام لاطشها حتة قلم ..بعدها شربات كأنها صحيت من حلم وهيا بتقول في ايه؟؟في ايه؟؟
؟؟؟حصل ايه
علي نايم على الارض بدأت عينية ترمش ويفتح واحدة واحدة بص لقا  وش شمه في خلقته وعين شمة في عينه علطول
علي وهوا دايخ لسه وماسك راسه :لا اله الا الله ..ايه الخلقة دي هيا الكوابيس دي مش هاتخلص بقا ؟؟ولا ايه ؟؟..لا لا انا متفق مع عسران اني اتجوز شربات ماتفقتش على كده خالص .. ااااااه ..بيدور وشه عشان مايشوفش شمة بص لقا جنب دماغه جمجمة صرخ  بهستريا :اااااااااااااااااااااااااااااااااااااه لالا رشة تفوت ولاحد يموت رشة تفوت ولا حد يموت  ..
وقعد يبلبع في حبوب صرع حباية ورا التانية وعنيه بدأت ترمش والحالة اياها شغالة معاه
والمعلم مسك ايد شربات …وشمة بسرعة طلع حقنة من جيبه وعلطول حقن بيها شربات في ايديها
علي حاول يقوم بس رجليه مش شايلاه وهوا عرقان وبيرتعش وبيفتش في جسمه على اللي الحته اللي اتقطعت بعد ماشربات نزلت عليها بالفاس ..لقا نفسه سليم
بص حواليه شاف شربات

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

105 تعليق »

 علي بقاعلى نار..حد يصدق ان المنيل على عينه المجرم اللي كانت بتتهزله البحار يبقا رقيق كده وقلبه بيصوصو من كتر الفرحة

دخل شمة وعلي عينيه هاتخرم الباب ..ايه ده ؟؟شمه لوحده

المعلم عسران :فين ياض البت شربات؟؟

شمة :مش راضية تيجي يامعلم ..بتلطم وتنوح وتقول مااتجوزش صومالي وعيالي يطلعوا سود

علي دلدل راسه لتحت بكسوفوحس انه المنحوس منحوس

المعلم هاج وقال ماعنديش حد يقول لا هنا.. واللي اقوله هوا اللي يمشي ..والراجل مايعبوش الا جيبه

علي بص بسرعة على نفسه لقى نفسه من غير جيب لان اساسا مافيش بنطلون وفكر بمنطق المصريين يبقا علي الوقتي مايسواش دكر عنكبوت

المعلم :طب واللي خلق الخلق علي هايتجوز حلاوتهم يعني هايتجوز حلاوتهم

علي اتخض اول ماسمع اسم حلاوتهم وافتكر علطول مياه النار ووشه بعد التشويه ممكن يبقا شكله ايه .. جري بسرعة على المعلم وباس ايده وقاله يامعلم  ركز ابوس جزمتك قصدك شربات

المعلم :اه صحيح هوا انا قلت ايه..؟؟؟

شمة :اومراك يامعلم يبقا نبتدي معاها في الطريقة 14 وهيا هاتنخ وتقبل علطول

المعلم : بلاش 14 خليها الطريقة 33

شمة :بس يامعلم  الطريقة 33 دي شديدة اوي

علي في سره :الاغبيا دول ممكن يبهدلوها ..دول في الاول والاخر شوية شمامين

 علي وهوا بيمسح على قفاه :هيا ايه الطريقة 33 ؟؟

شمة :قطع الرجل اليمين

علي جاله فزع بشري وقلق جامد على عروسته ومش عاوز يتجوز واحدة برجل واحدة ومايقدرش يشوفها بتتعذب وكمان بسببه 

علي فكر بدهاء يقنع المعلم بشيل الفكرة المنيلة دي من دماغه

علي:يامعلم بعداذنك ياكبير والراي برده ليك

باقول بلاش الطريقة 33 دي عشان المؤسسة هاتخسر عضو من اعضائها وهايبقا عالة علي المؤسسة ومش هانعرف هانستفيد منه

المعلم وهو بيهرش في دماغه (قال يعني بيعرف يفكر )

معلوم برده ..كلام يخيش في النافوخ يامعلم علي

علي :ممكن انا هاروح اقنعها بالجواز يامعلم ؟؟

المعلم: وماله ده حتى كل شئ بالخناق الا الجوزه بالإتفاق

علي :يامعلم جوزة ايه قصدك الجواز؟؟؟في سره (الهي ماتفوق ابدا يامنيل)

شمة:اخده يامعلمي؟؟؟

المعلم:خده وماتتاخرش عاوزين نقرا الفاتحة انهارده ونلبس شبكة

علي كان طاير في السما معقول الطرواة اللي هفهفت على حياته على غفلة كده  قراية فاتحة وتلبيس شبكة وفي سره اتمنى ان المعلم يخلص ويقول دخله كمان..بس يارب  يارب شربات تقبل بيا..آآآآآخ

علي بالمناسبة رغم انه صومالي ولكن وسيم جدا طويل ورشيق واسمر جذاب جدا

شمة خرج مع علي بعد ماجابوله هدوم جديدة واستحمى بقا اخر تمام وخرجوا بره البهو اللي كان فيه وشاف اللي عمره ماكان يصدق انه يشوفه

المكان كبير جدا قديم وعتيق وواسع مليان طرقات وكل طرقة فيها مايقلش عن 20 غرفة وكل غرفة على بابها رقم …في مكان مشترك كبير زي استقبال مفروش بسجاد فاخر واضاءة حمرا خافتة وصور غريبة على الحيطان لناس شكلهم غريب ويشبهوا المعلم كتير 

علي سال شمة:مين الناس اصحاب الصور دي 

شمة :انت مابتعرفش تقرا بص تحت الصورة اهو المجاهد المعلم الدوكش ولد عام 1933 ولقى حتفه في ميدان المعركة مع رجال العسس عام 1995 ..وله خدمات جليلة في مجال السطو المسلح 

علي :العسس؟؟ شمة اه :المعلم مابيحبش نقول سيرة البوليس في المؤسسة خالص

علي:ومين ده اللي مخنوق ولسانه مدلدل بره

شمة :ده المجاهد المعلم المغفور له بامر الله صابونة العفش ولد عام 1941 وتوفي في غرفة الاعدام شنقا عام 1988 وذلك بعد خدمات جليلة في عالم القتل والتزوير

 الاستقبال مليان اعضاء وزملاء علي في المؤسسة والجداد عليه طبعا ..وقاعدين اخر انسجام اللي بيضرب على العود  واللي بيغني ..واللي بيضرب بيره واللي بيشم ..واللي بيلعبوا كوتشينة وقمار.. وخلافه

شمة طول ماهو ماشي

سلامات ياباكتة اذيك ياض ياافيونة

انت ياض ياكرسي ابقا عدي على المعلم عاوزك ترصله رصة كل يوم

والغريبة انهم كانوا مش بالعين علي ولا قابلينه ابدا ورغم انه كان بيرمي السلام بس ماحدش كان بيرد عليه

علي سأل شمة..هما ليه الزملا مش مبسوطين كده وشكلهم زي مايكونوا زعلانين مني

شمة :اصلك مش واخد بالك ..المعلم ياما اتقدمله موظفين من عندنا في المؤسسة عشان يتجوزوا شربات وهوا مارضيش يجوزها لحد ابدا ..وادهالك انت

علي طبعا مش مصدق نفسه ..اكيد شربات آية من الجمال وحظه ولو لمرة واحدة من يوم ماجيه مصر هايتعدل..علي في سره: ياحظك ياعلي وضحكة مدارية

فضلوا ماشيين طرقات كتيرة وغرف مالهاش عدد ومجرمين كتير كل واحد فيهم عارف هوا بيعمل ايه لحد علي ماخبط في كتف واحدة بيقولوا عنها انها ست وهيا شكلها زي بسم الله الرحمن الرحيم اخوانا البعدا اللي تحت الارض وفي ارتفاع جبال الهيمالايا..خبط فيها وقفوا الاتنين مكانهم  بصت لعلي بصة في عنيه بالظبط كلها غل ..

علي بيكلمها ورقبته لفوق فوق اوي وقالها: ماعلش اسف ماقصتدش اني اخبط حضرتك

بصت لعلي من تحت بغيظ وقالتله بصوت زي الرعد بشرشحة :نععععععععععععم ياروح امك هوا انت اصلا كنت تستجر تخبطني قاصد متعمد ..لا ده انت ماتعرفنيش ..اسال هنا اي طور يقولك من هيا حلاوتهم

اااااااااه

علي سمع اسم حلاوتهم وقلبه وقع في رجليه وقال في سره وهوا بيبلع اللي فاضل من ريقه اللي نشف:حلاوتهم ياحظك المطين ياعلي اه لو عرفت انك علي يوسف اللي رفض الجواز منها 

بصلها وهوا بيدور بعنيه على ازازة مياة النار اللي بتشيلها للعوزة دايما وخايف انها تتعصب زيادة عن كده ومتوقع في اي لحظة تقوم خابطاه في وشه بمياه النار..وكان سامع صوت دقات قلبه يخرم الودان

وقالها:ازاي ازاي ياست حلاوتهم حد مايعرفش القمر لما يهل ..النار لما تول..قصدي النور لما يولع وينور الضلمة ..حلاوتهم هديت شوية وقالتله اااااااه بحسب

قالها :لالا اوعي تحسبي اي حاجة احنا خدامينك انتي والمعلم الصغير اللي في بطنك

حلاوتهم :مين ياض ياشمة ده مستجد هنا

شمه كان لسه هاينطق ويقول ده علي يوسف

علي لحقه وسد بقه وقالها: انا المعلم ليفة المفش صاحب المعلم عسران الروح بالروح وياما شمينا سوا أيام المدرسة الابتدائي

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

319 تعليق »

زي مابهدلت المنتخب وطلعت عينه في ادراج  جووووووووووووون

لازم الوقتي ااقول جوووووون بس بجد وبصرخة وفرحة من القلب

مبارة مصر والبرازيل لسه خالصة حالا

شفت من المنتخب اللي عمري ماكنت اصدقه

وزي ماجرست المنتخب في ادراجي اللي فات  وفضحته فضيحة بجلاجل قدام الخلايق من غيرتي على مصر وحبي ليها

لازم اصالح المنتخب برده علني وفي ادراج

اداء مشرف رجولي بطولي …كنت باشوف الماتش وقلبي بيرقص من الفرحة

يعني برده لازم تعترفوا ان ادراج جووووووووووون جاب نتيجة

ويعني لازم نهزأ المنتخب واللعيبة في مكتوب عشان يمشوا عدل

معقول ؟؟؟

جوووووووون التريقة اللي فات كان وشه حلو على المنتخب

أوعدكم قبل كل مبارة مهمة انزل ادراج بستفة للمنتخب

ههههههههههههههه

والله العظيم انا فرحانة من كل قلبي

المنتخب المصري رغم ان النتيجة 4 البرازيل و3 مصر

ولكن راسي فوق … والحكم بقا الله يكرمه في ضربة الجزاء اللي قبل نهاية الماتش بدقيقتين

مش كان طنش وخلاص؟؟؟ يفرح الناس الغلابة شوية

الحمد لله والف والف مبروك لمصر

حد يصدق ان البرازيل ترتبك وتتمنى جون ومش قادرة تجيبه..ممرمطناها من الاخر

رجالة بجد …المحمدي وابو تريكة وحسني عبد ربه  وزيدان وكلهم …ربنا يحميهم

وحسن شحاته ربنا يكرمه ويبعد عنه الاسهال يارب

مبرووووووووووووك

واخر كلامي

جوووووووووووووووووون> 

جوووووووووووووووووووون> 

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

303 تعليق »

عاجبكم اللي حصل في ماتش مصر والجزاير…حتى الكمبيوتر بتاعنا  ماعجبوش اتحرق مع الشماريخ وفرقع في وشنا..

 اتهبدنا 3 قصاد واحد يتيم دخل بالصدفة في غفلة من الزمان..طبعا اولا الف مبروك للجزائر الشقيق وهما يستحقوا الفوز …انا مش غايظايني الهزيمة لالا مش غايظايني….بس اللي فاقع ام مرارتي الهليلة اللي بتبقا قبل الماتش تلات ..اربع سنين…يعني كاس العالم يخلص من هنا ونبدأ احنا نطبل ونصقف .. برامج وحوارات عن التصفيات لكاس العالم  اللي بعده…ماتفتكروش عشان نرتب هانعمل ايه في كاس العالم…لا لا مخكم مايروحش بعيد ….ده  عشان نرتب هانتفرج عليه كلنا ازاي بقا ؟؟في القهوة ياترى؟؟ والمشاريب هاتبقا على مين وياترى وقتها صاحب القهوة الحاج كراوية هايكون لسه عايش ولا مات …ولو مات يادي الحوسة القهوة هاتبقا مقفولة نروح لمين؟؟؟ولا  نشوفه في التلفزيون  أحسن ..ولا على النت ؟؟؟؟؟وماانصحش حبايبي بقصة الفرجة من على النت دي…اصلها تجربة حزينة جدا لسه اثارها في وشنا

اللي يبص على برامج الكورة في مصر يتهيألوا اننا في البرازيل او الارجنتين …الكورة مع زهير ..الكورة مع سليم

(قناة سليم بتاعة احمد نشأت)وايشي حامد المندور ومدحت شنبي واحمد زهير وزهدي عبد الغني وماهرابو زيد والمحلل المعروف محمود مخلوف  …حقيقي برافو عليهم في الحقيقة بيعملوا معجزة مش قادرة افهمها لحد الوقتي المذيع بيفضل يذيع 24 ساعة متواصل وعلى الهواء ازاي؟؟هاتجنن والله ولا يتعب ولا يكح كحة حتى .. تلاقي مذيع في برنامج شغال ومعاه ضيف كروي برده …مثلا الكابتن حسن سكسوكة ..تقوم تزهق من عيشتك ومن حسن سكسوكة .. وتقلب على القناة التانية تغيير يعني … تلاقي بقدرة قادر نفس المذيع بقا  ضيف  وحسن سكسوكة بقا هوا المذيع وبيتكلموا برده في نفس الموضوع  الحمضان  بكل حماس غريب مش مفهوم….هههههههه( بالمناسبة هوا حسن المستكاوي)

ايه ده كله …على ايه ؟؟؟اللي يشوف كده يفتكر ان شعبنا رياضي جدا والرياضة جزء من حياته اليومية مع ان في الحقيقة بقا شعبنا مش بيعمل اي رياضة خالص غير في حاجتين طوابير العيش (رياضة المصارعة) عشان اللي يقتل زميله يفوز برغيف مجانا …والمواصلات (رياضة العدو لمسافات طويلة)علشان تلحق توصل اسرع من الاتوبيس ….وفي الاخر كل مرة نتهبد الاجوان المتينة …سواء عندنا في مصر ولا بره مابتفرقش يعني حته على ارض مين وبلدنا والحاجات الوطنية اللي تقطع القلب دي   ..وياحبيبتي يامصر يامصر ..ياحبيبتي يامصر يامصر ..ياحبيبتي يامصر يااااامصر…ماشافش الولاد السمر الشداد والعزم اندعـء …دي اغنية في الفترة الاخيرة بنشغلها علطول قبل الماتش ونقعد نصقف ونزغرت  عشان مانضمنش بعد الماتش هاينفع نشغلها ولا لا؟؟ اهو برده نبقا عملنا حسابنا وفرحنا

وهيصنا  هههههههه ..انا باقترح عشان الشعب الغلبان اللي نفسه قبل مايموت ويقابل وجه كريم ان مصر تروح كاس العالم …اننا نعمل ونصنع عندنا  كوز العالم ويكون صناعة مصرية اصيلة وتشطيب حلو ونعمل فرق زي البرازيل واسبانيا والعالم دي ونلعب مبارايات وتتذاع برده على القنوات المصرية ومصر تفوز في الاخر بكوز العالم واللعيبة تتلم في المدرجات ويرفعوا كوز العالم وياخدوا صور تذكارية ..ويلفوا بيه الملعب ويخطفوه من بعض ويبوسوه .. وبكده الشعب يفرح ويرفع راسه فوق بعد ماخدنا كوز العالم

 بيتحرق دمي جدا لما باشوف الا

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

159 تعليق »

برررررررر بررررررررر

-ياض الولعة مش مظبوطة بتشحط في الزور..ظبط الفحمة

-ايوه جااااااي من عنيا يامعلم عسران اهو..موهوجه

-المعلم عسران :هوا البيه ده هايفوق امته؟؟؟؟؟؟؟؟؟

-الصبي شمة: بقاله كتير يامعلم ده نايم من امبارح وشخيره جابلي صداع من ساعة ماكممته وخطفته وركبته العربية 

-المعلم عسران هوا المخدر كان شديد ولا ايه؟؟؟؟؟؟؟؟

-الصبي شمة ابدا يامعلم كلهم ربع كيلو بودرة بيضا بس مخلوطين مع تربة حشيش واحدة بس

-الله امال مافاقش ليه لحد الوقتي؟؟؟ وماله بيضحك كده ليه وهوا نايم؟؟

خلصنا وشوف حكايته ايه؟؟

عاوزينه يفوق …هاتلنا جردل مياه

علي يوسف كان في سابع نومة واول ما سمع سيرة الجردل حاله اتقلب

كان لسه مغمض عنيه وقعد يضرب بايديه في الهوا ويدي بوكسات وشلاليت  ويصرخ ويقول لا لا الجردل لا….

بلاش الجردل هاتولي كف خميس انا عاوز كف خميس

-المعلم عسران:باين ياض انت خاطف لنا واحد مجنون ولا ايه؟؟

انت ياض متاكد ان الفحمة اللي قدامي ده قرصان؟؟

الصبي شمه-ايوه يامعلم وحياة الحشيش ده ولا اعدمه ومااوعى ادوقه ..ده قرصان كبير اوي كمان ومدوخ الحكومات والبلد كلها تعرفه والجرانين كتبت عنه

-المعلم عسران :امال ماله شكله يغم كده ولا باين عليه ؟؟ده عنده هزال وعاوز خزان محلول الجفاف وكمان قرصان ايه اللي متخرشم كده

وشبه حمير الشفخانة ؟؟ده مافيش حته في جتته سليمة وفين نصه التحتاني؟؟

علي يوسف بدأ يفوق واحدة واحدة ..بص شاف حاجات غريبة

عسران راجل متضخم شبه عمارات زمان القديمة الجامدة وباصص لعلي وعنيه حمراااااااااااا  ونار والعة ودخان مالي المكان بيخرج من بقه وهوا بيشرب شيشة

ومعاه المساعد بتاعه واد ابيضاني كده وبيلظ من كل حته

علي بص للمعلم عسران باستغراب ورعب وكمان المكان الغريب اللي كان فيه شكله زي البدروم الكبير
وبدأ يكلم ولسه دماغه مش موزونةوحاسس انه في عالم سحري.. بسبب كوكتيل الترحيب بتاع الكميائي العظيم خبير العقاقير الاول شمه

-علي :محمووووووووووود  محمووووووود سايبني ليه .. خميس لالالالا  سأسأ  هات البنطلون بتاعي ياصرمة انا بردان أوي …أنا فين؟؟؟

المعلم بص لصبيه كانهم قدام طلاسم بشرية

-المعلم بيضحك ضحكة زي المارد :هوهوهوهوواع هوهوهوهوواع    انت هنا تحت الارض

علي من شكل المعلم وضحكته فهم انه في العالم السفلي وان الاشكال دي ياإما مخلوقات سفلية او اعمال سفلية

اترعب وبدا يرتعش وجاتله الحالة اياها وقعد يدور على حبوب صرع

-المعلم عسران : بتدور علي ايه ياض انت

-علي :بسم الله الرحمن الرحيم   سلام قول من رب رحيم

-المعلم:مش مالي عينك ولا ايه؟؟ باقولك بتدور على ايه؟؟؟؟؟؟؟

-علي وهوا حاطط ايديه على وشه :انصرف انصرف لاتأذيني ولا أاذيك عليك اللعنة عليك اللعنة ليوم الدين أعوذ بالله من الشيطان الرجيم

-المعلم عسران :نعم ياروح تنت  تأذيني طرااااااااااااااخ قلم سخن

علي إنتول من القلم وراح في غيبوبة تاني

-المعلم اتعصب ومسك شعر علي في ايده وقعد يمرجح في راسه وقاله بقالنا يومين بنفوق فيك  ومش عارفين نفوقك ولا نتفاهم معاك

طرااااااااااخ قلم سخن تاني …احنا فاضيين ؟؟..علي بعدها فاق علطول

-وبص للمعلم وقاله انتم مين وعاوزين مني ايه وانا هنا فين وايه اللي جابني؟؟هوا انتم تبع حاظابط

-المعلم :ههع هاع هاع ظباط مين احنا بتوع الكلام ده برده احنا هنا في الباطنية ياض

ودي مؤسسة ايوه مؤسسة لجمع التبرعات من الشعب ولينا انشطة تانية ..احنا مسئولين عن الترويح عن افراد
 الشعب العامل وعمل دماغ لكل مواطن وتسليته

ااااااااااااه دماغ مش اي دماغ واديك جربت  هاهع هاهاهع

ماتقوله ياواد ياشمة

-شمة :يامعلم انت الكبييييييييييييير ياسيد الناس ده احنا من غيرك نفوق

علي زاد توتره وعنيه الشمال بدأت تلعب لوحدها
-المعلم برده عصبي وخٌلقه ضيق..ماتعصبنيش وقف عينك دي بدل ماافقعهالك بالشيشة…قلت بس

-علي :مش بايدي يامعلم هيا بتلعب لوحدها لما باشوف حاجات شبهك كده صرع قالي كده..

-المعلم :صرع  صرع ؟؟مافيش عندنا موظف في المؤسسة اسمه صرع ؟؟؟صرع مين يابن المهروشة ركز معايا ياض أحسن واللي خلقك وكتر الضلمة في وشك انسيك الصرع واجيبلك الهسهس

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

297 تعليق »

إستمورننج عليكم ياشباب بمناسبة ان احنا اللي بهيظنا الفهايص

طالبة معايا  رغم اني باسقط نوم اني الوكلوك معاكم في موضوع كول اخر حاجة …

وهوا كلام الشباب الروش طحن مع بعض في ايامنا الجاز الاخيرة

 وخصوصا لما يكون في حد مش خفيف ونحب ننفضله أو نحلقله لانه مش مأنتم معانا

بس احنا هنا طبعا كلنا شلة ومافيش في وسطينا حد بيئة ولا رابش علشان نعمله إشتغاله

يلا بقا خلينا ننجز بالونجز ونفهم ايه النظام ولو مضايق الوقتي ممكن تخلع

انا بالوكلوك في قصة اللغة ايه اللي حصلها؟؟؟؟ ومش عاوزة بروباجاندا ولا حد يسيحلي

بس شغلوا الطاسة معايا ..انا لما مخمخت في دهاليز الحياة حطيت ايدي على البلف وهوا الفراغ والهيافة عند الشباب

لو في حاجة مهمة في حياتهم ماكانتش كل الالفاظ دي ظهرت طبعا بسبب اوضاعنا المنيلة واللي هيا يتقال عليها العفشة قفشت

(يعني مفلسين من كله)..هما متخيلين طبعا انهم كده عملوا لنفسهم شخصية

والله انا زعلانة من اللي بيجرا  ..المصيبة ان انا شخصيا  وكمان في تعليقات مدونين كتير منكم وكلامكم لاحظت ان احنا كلنا بنستخدم الفاظ كتير جدا من دي وبقت عادية في حياتنا ومش منتبهين ليها

(زي  في الطراوة.. في السحاب.. كبر دماغك

نسيح لبعض..صباحو..الجمجمة ..يعمل دماغ.. مٌذة….الخ)

مش دي لغتنا العربية الحلوة لغة القرآن الكريم اللي فضلها ربنا سبحانه وتعالى عن باقي اللغات

كل الشعوب بتفتخر وتعتز بلغاتها  وشخصيتها ومابتحبش تتكلم غيرها حتى لو كان الشخص على علم بلغة تانية ..

شوفوا الالمان والفرنساوين واليابانين

انما احنا مش عاجبنا لغتنا بنبهدلها ونزبلها بكل الطرق والوسائل الممكنة والغير ممكنة

حتى لما نكون جهلة نحب نقولنا كلمتين انجليزي

سوري ..السيستم .الكمبيوتريهنج ..يشفت ..يدلت..يكنسل

طب مانقول اسف ..النظام..الكمبيوتر يعلق يعطل ..يرحل ..يمسح..يلغي

واحدة من الجهل المدقع عاوزة تعمل فتكة اوي ..راحت للبقال تقوله عاوزة حلاوة تايد

ههههههههههه

قصدها ياكبد امها حلاوة دايت يعني للخسسان مش حلاوة تاخدها فٌمين غسيل

هههههههه

المصيبة حتى في القهاوي

المشاريب بقت كده

وعندك واحد ولادة ..يعني حلبة

وعندك واحد مستشفى.. يعني ينسون

وعندك واحد صوان ..يعني قهوة سادة

وبعد ماخلص كلامي ياريت ماحدش يقرا الادراج ويأنتخ لي عاوزين كلام يخيش في النافوخ …

 لازم يرد بس لو حد خيشة اوعى يخبط في الحلل ..لاني هاقوله انزل من على وداني وسمعني سلام أودعك ياسكامونس

لان انا رايي ان  مهما حصل ماتزعلش نفسك لما حد يحلقلك فٌكك منه واديها جاز

طبعا عشان الموضوع ده مهم وبقينا نشوفه يوميا في حياتنا مش عاوزة موضوعي ده ينزل على فاشوش

عاوزين تحليل صح بدل مايبقا الشخرمون طاخ في الترللي

واهم مصيبة في الموضوع ده ياجماعة هو انفصال الاجيال عن بعضها …النتيجة للغة الجديدة دي  ان

الام والاب مش هايفهموا ابنهم ولا ايه توجهاته او شعوره ونفسيته وطلباته

يعني ياخويا العيال كلها كام سنة ونبقا انا وابوهم قاعدين معاهم وهما بيتريقوا علينا وجايز بيتمسخروا بينا واحنا فاتحين

بقنا وبنضحك  بكل بله مغولي..هههههههههه

والاخ الكبير اللي اكبر من اخوه بعشر سنين بس.. ممكن مايقدرش يتواصل معاه

اللغة مش بس تواصل ..دي سبب كل ألفة وود بين الناس ..شوف لما تبقا بره بلدك وكل الكلام اللي بتسمعه لغة أجنبية غريبة عليك شعورك بالغربة بيزيد

ولوتسمع واحد بيقول جملة عربي بيحصلك ايه واحساسك ايه؟؟

اللغة هي اساس الحضارات اللي اتبنت على مر العصور

طبعا كل الالفاظ اللي دخلتها في ادراجي مش للترويج لها او للاعجاب بيها ولكن باحب اوريكم حجم المأساة وصلت لفين

لان لولا الالفاظ اللي وريتاهالكم دي ..ممكن حد مش واخد باله من حجم الكارثة يقوللي كلام الشباب عادي

ومافيش مشكلة

الالفاظ اللي وردت في الادراج ااقل كمان من الحقيقة بكتير واللي انا سمعته واعرفه

يادي الفضيحة ياولاد ..يعني لو الدكتور محمد عبد الوهاب وسليمان بك نجيب رجعوا للحياة تاني الوقتي وسمعوا البلاوي دي يقولوا علينا ايه

لما تشوف الافلام القديمة بغض النظر عن الفيلم والقصة

اعتبر انك بتشوف تاريخ الشعب ..الفاظهم وكلامهم ان ازاي؟؟

********************************************

محمد عبد الوهاب:نهارك سعيد ياسعادة الباشا

الباشا:نهارك سعيد يامحمد افندي

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

347 تعليق »

شوية ودخل خميس معاه الجردل وحطه قدام علي وهوا بيقول تمام يافندم الشوربة جاهزة ..

علي : شوربة ؟؟؟؟؟؟علي بص في الجردل مش مياه دي لونها غريب وريحتها معفنة وقوامها كمان

الله الجردل ده انا باشبه عليه زي ماكون شفته قبل كده فين ياعلي فين ياعلي؟؟…ايه؟؟ لا لا مش معقول هوا والله هوا

الجردل ده هوا الجردل بتاع زنزانتنا واللي وقعت فيه اول مارموني في الزنزانة جردل البي بي بتاع سأسأ وبشلة وظلاتة وصرمة

لأأأأأأأأأأأأأأأه….ااااااااااااااااه 

علي:ياباشا ياباشااااااااااااااااااااا انا رجعت في كلامي بلاش الجردل ده الله يسترك ياخويا

   انا عاوز كف خميس انا عيل ورجعت في كلامي انا موافق على كف خميس هاتولي كف خمييييييييييييييييييس انا عاوز كف خميس أنا عاوز كف خمييييييييس باحب كف خميس

حاظابط:ههاع هع هع هع  هوا انت فاكر نفسك في مسابقات الرابح الاكبر ياله هاتنقي

.. احنا بنلعب ياروح طنط ده شغل ياله ولا فاكر نفسك في الملاهي

خميييييييييييييس شوف شغلك
خميس نفذ بسرعة البرق ومسك راس على بكف واحد ودفسه في الجردل  وضغط على راس علي عشان مايقبش
علي: بق بق بق بق برررررررررررررررر    بق بق

فات دقيقة والتانية علي حس ان الغرق نفسه ارحم من ذكرياتى وراويح  سأسأ اللي ماليه الجردل
فين وفين حاظابط لما افتكر انه بيعذب علي :كفاية ياخميس

خميس رفع ايده بس راس علي فضلت في الجردل ومارفعهاش من الجردل
حاظابط بيضحك:جرى ايه ياله انت ادمنتها ولا ايه

علي ماردش برده ..وجري خميس يرفع راس علي من الجردل بص واستغرب..علي كان مبرق بعينه وعلى وشه ابتسامه الموناليزا
وفضل يضحك يضحك  ههههههههههههه  ,وهوا بيغني أغنية الشحرورة المشهورة(ساعات ساعااااااات ساعات ساعاااااااااات احب عمري واعشق الحاجات.

لا لالاااااااااااا لا لالاااااااااااااااااااا
ساعات ساعااااااات ساعت ساعاااااااااات احب عمري واعشق الحاجات.وساعات ساعات ..

وهوا بيمسح وشه بإيديه ويلزقها في هدوم خميس..

حاظابط :بس ..جرى ايه ياله تحب تاخدلك غطس تاني ..
علي :لا وعلى ايه سياتك يافندم أنا معترف خلاص  معترف ان انا مجرم بني مزار

حاظابط:ماتفوق ياله بدل مافوقك ..

علي :لا ياباشا بلاش تفوقني من اللي انا فيه الله يسترك ..ممكن بس ابلبع حباية صرع بسرعة أصلي مش عارف ايه اللي جرالي

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

402 تعليق »

مينا فينا مش بيحب اللب كلنا طبعا لزوم التسالي يعني لمة حلوة قدام التلفزيون مع فيلم لمحمد سعد يخليك تجيب اللي في بطنك
ولا قعدة رومانتيكية على الكورنيش ماتكملش من غير أزأزة اللب
وطبعا كلنا عارفين ان حكومتنا الرشيدة الجامده اوي صاحبة المخ الالمعي
حكومة الموبايلات والاتصالات (قصدي كلام نظيف عن التقدم اللي احرزته الحكومة المصرية السنة اللي فاتت بدليل ارباح شركات الاتصالات بالمليارات سنويا  هههههههه)ياحلاوة التقدم ياحلاوة
من الاخر …حنية ماوردتش على الشعب ماتلاقيهاش في اي حكومة لاي شعب تاني في العالم
اسالوني ليه؟ قولتوا لي ليه
لان كل الحكومات في العالم بتدور على تلبية مطالب الشعب من غذاء وتعليم وصحة وانتاج وخلافه بس حكومتانا حكومة مزاج عالي حكومتنا مزيكا
 احنا حاجة تانية ….من كتر الحنية بتسهر ويجافي عنيها النوم …تفكر ازاي الشعب يتسلى يبقى لازم نزرع لب ..اه والله لب
مع تحريم زراعة القمح …
لأن القمح بيكلف مصر جدا اسمده وبيهلك التربة فاستيراده اوفر واسهل واقل تكلفة…ويعاقبوا الفلاح اللي يزرع قمح
طيب ….صدقنا الكلام وبعدين
 وصل بينا الحال دلوقتي ان نجيب رغيف العيش بالبطاقة او الرقم القومي يعني لو عيل عنده 12 سنة يفضل واقف جعان في طابور العيش4 سنين لحد مايطلع الرقم القومي ده يكون الكشك خلص العيش
ولا واحدة ست كبيرة في السن ساقطة قيد معهاش بطاقة تموت من الجوع ولا تلف لفة صلاح السعدني في فيلم المراكبي(ساقط كيك)وتقف تعيط ياولداه قدام الفرن وهيا بتبص للرغيف وتقول اصل انا ساقط كيك
بالذمة مش دي نكته احسن من نكت حماده سلطان
اسعار القمح زادت عالميا واستيراده بالغلا والكوا طيب مابنزرعش القمح ليه… حد يرد علينا ياخونا احنا مش عاجبينكم ولا ايه
هيا الحكومات دي جايه تحكمنا ولا مع نفسها وخلاص  ماحدش بيكلمنا ليه ويفهمنا ….بلاليص احناولا ايه؟
يعني دلوقتي هانغني اغنية عبد الوهاب المشهورة وغنوا معايا لو سمحتم
اللب ..الليلة الليلة ليلة عيدووووووووووو يارب تبارك تبارك وتزيدوووووووووووووو…..

 يارب تبارك يارب…يارب تبارك في اللب
يارب تبارك وتزيدوووووووووووووووووووووووووووووووووووووو تراارراااااااااااا

وعشان الموضوع ده شغلني  سألت نفسي  وعرفت السر الدفين هوا ان اللب ينتج عن زراعة البطيخ والكوسة والقرع ودول اكتر محاصيل حكومتنا بتفهم فيهم
(حكوماتنا بتفهم بس في البطيخ …ومعاملاتها بالكوسة…ويوميا بتقرع علينا)
أما بقى ياشباب  بعد مالحكومة الحونينة وفرت لك اللب مالكش حق تشتكي بعد كده خاااالص

تقول بطالة تقول ازمة سكن يبقى حرام عليك هوا انت مابتحمدش ربنا ابدا

بتقول ايه ياولا انت وهوا  عاوز  ايه ؟؟؟؟  تتجوز ؟؟ هههههه  داء في بوزك   مش كفاية تأزأز لب مع البت بتاعتك هوا انت طماع كده ليه؟؟؟

هوا فيه احلى من الخطوبة وايامها وحكوماتنا عارفة ده وعشان كده عاوزة كل الشباب يعيش سعيد ومتهني

طول حياته ويفضل يأزأز لب لحد مايوصل 80 سنة ووقتها سنانه هاتطير وتقع هههههههه وهايضطر يفكر في الجواز

طبعا وقتها (لاينفع جواز ولا حتى أزأزة اللب )

حتى كمان الحكومة عارفة ان اللب  مفيد للصحة جدا  ليه بقا؟؟

 اللب ثبت علميا انه بينزل كل الديدان الليعاملة لك قلق في البطن وبيخليها فله

احنا دايما متمردين ووحشين ومش راضيين بالنعمة

الله مش علطول بتقولوا نفسنا نبقا نمرة واحد على العالم في اي حاجة

حتى الفساد فشلنا نجيب فيه الترتيب الاول على العالم

طلعنا نمرة تلاته  ههههههههه
ادينا

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

309 تعليق »

  المساجين كلهم بفرحة غريبةهجموا  هيييييييييييييييييييييييييييييييه
علي اتزنق في الحيطة وهما في خلقته :لأ لأ ماتفتكروش اني سهل ده انتوا ماتعرفوش قرصان يعني ايه
بشلة وسأسأ وصرمة وظلاته  وميمي بصوا لبعض باستغراب
بشلة :ولا ياسأسأ  قرصان دي علفكرة شتيمة ياا(ياد)
سأسأ:شتيمة   عُلم..بس ..يبقا هوا اللي جنا على روحه .. وراح مدي اشارة  بغمزة لباقي المساجين اللي  ماصدقوا زي اللي بيفشوا غلهم من اوضاعهم المنيلة في السجون في شخص علي المسكين

واللي عمله علي في خلق الله ايام القرصنة الطويلة طلع على جتته بالبلا
بقا كله يضرب ..اشي بونيات على اقلام من النوع الحار جدا وبوكسات ولوكميات وشلاليت ومقالب حرمية
والكارثة الكبيرة والمفاجاه ان سأسأ كان بيلعب تايكوندو كويس جدا

عارفين افلام الكارتون لما توم وجيري والكلب يدخلوا في خناقة ومايبانش اشكالهم ..بس عفارة وتراب واصلين لسقف الزنزانه
وكل دقيقتين تبان راس  علي وهوا بيصرخ ويقول  اااااااااااااااااااه الله يخرب بيتك ياصرع الكلب..بس اما اشوف خلقتك  وبعدين يختفي
دقيقة تانية وتظهر راسه من دايرة التراب ..لأ لأ البنطلون لا اااا انتوا ماعندكوش اخوات صبيان ولا ايه؟؟.ويختفي
 دقيقة تانية وتظهر راسه وهوا بيبوس بشلة في راسه ..بشلة  انت حبيبي يابشلة لا لا مش انت اللي تعمل دي ااااااااااااااااااه اه ياراسي(راسه من ورا هههههه بس الرقابة)

ويختفي تاني جوه المعمعة والمساجين يهشتكوه من فرحتهم بيه طبعا ويرزعوه في السقفينزلهم تاني .. ويحدفوه في الحيطة وهوا يصرخ :ياعسكري خميييييييييييييييييس
..بقوا يضربوا ضربة راجل واحد :كااااافر   كاااااااااافر   ..ياشيطان فين الشرف يابن الوارمة..
يابن الرفضي ..مصر أم الدنيا بتاعة مصر هيا امي  وبلد يييييييييييييي  بلدي يابلدي    ولديييييييييييي ولدي ياولدي  تعمل فيها كده؟؟

ده بدل ماتشتغلك شغلانة شريفة ..اجري على رزقك في الاتوبيسات ولا محطة مصر

خير ربنا كتير ..بس انت اللي ندل وسخت الكار ياكلب ..ده الكار لم ياجدعان

طبعا الخناقة ماخلصتش عشان علي صعب عليهم ..هيا خلصت لما المساجين تعبوا من كتر الضرب وماعادتش فيهم نفس ووقعوا على الارض ولسانهم دلدل لبره

طبعا انتوا متخيلين شكل علي بعد الخناقة  
 علي مناخيره بقت بفتحة واحدة والتانية مسدودة .. وسنته القدامانية  طارت ..عينيه الاتنين  قفلوا على بعضهم اللي يشوفه يقول انه كابس عليه النوم
والبنطلون بتاعه سرقه ميمي لان زي مافي ناس هواه جمع الطوابع  ميمي ده بقا من هواة جمع السراويل  ..

 وبقا ماشي بناحية يعني في اتجاه  واحد  بحيث ان كل الدورانات عنده يمين وبس ..شمال مابيجبش

 والغريبة ان وشه ثبت على وضع الابتسام يعني اللي يبصله يلاقيه بيضحك ببراءة الاطفال

باب الزنزانة اتفتح دخل عسكري خميس :بينادي بصوت عالي :علي يوووووووووووسف

علي طبعا لا هوا  سامع ولا شايف   وعمال يكلم نفسه وهوا بيبلبع في الحبوب(طب ياصرع الهي أشوفك والع يابعيد) ….العسكري :علي يووووووووووووسف

بشلة بينهج بعد الضرب وبيخبط على كتف علي :ايه هوا البعيد اطرش كمان ؟؟جرى ايه ياجدع ده احنا سيبنالك ودانك سليمة ماترد عليه  ردت المياه في زورك
علي في وضع الابتسام (وحرف السين طار عنده):عثكري خمييييييييييييييييييييث  هههههههه  فينك  ياراجل؟؟ماجيتيث من بدري لييييييييييييييييه؟؟ناديت عليك  كتييييييييييييييير
هههههههه  هههههههه  ضحك متواصل

حاظابط:سلامات ياروح امك ..ايه ده ياله ههههههههه هما المساجين لحقوا يرحبوا بيك بالسرعة دي

دول ماسابوليش ولا حته فيك سليمة اعرف أشتغل فيها   هههههاااييييي  هههع  هههههع

هااااااا؟؟عقلت ولا لسه راسك ناشفة

علي بيهرش من اثار الزنزانة والجرب بتاع ميمي

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

337 تعليق »

لكل مدونين مكتوب الكرام واللي بفضلهم نجحت مدونتي الغلبانة ..انهارده عمر كركر شهربالظبط ..لانها بدأت واحد إبريل

لكن لظروفي وظروف أسرية خاصة بفترة امتحانات اولادي سأنقطع عن التدوين فترة لاتقل عن شهرين …

أستعيد فيها نشاطي الذهني وأجد المساحة الكافية للإهتمام بأولادي هذه الفترة والتي يعتمدون فيها علي..لان المدونة شغلتني عنهم كثيرا الفترة الاخيرة

طبعا سأظل من حين لأخر أتابع اخباركم ومدوناتكم الراقية

هناك أصحاب وأخوات لي يعز علي ويؤثر في فراقهم ولو حتى لمدة شهرين ..باقول لكم هاتوحشوني جدا جدا جدا

وسلام خاص من جوه القلب لكل من

واحدة وحيدة (مرمر)أو وحيدة قلبي ..نادية حورية اسكندرية

(دودو)..سارة بدر الدين( سرسر) ..كوكي حبيبة قلبي ..نيفين

كمال( نوفا)…نورا الشقية(مون كوغ)…

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

227 تعليق »

 حوار الفرافير

ميرو(دلع عمر):هاي توتي ..اوووووووووووه  ايه ده وشك فيه حباية  يااااااااااااااااي

توتي (دلع تامر):وهوا مخبي الحباية بايده وبيهوي بايده التانية  اسكت ياميرو اسكت كارثة ..ظهرت امبارح فجأة

ميرو :مش ممكن توتي ..طب من ايه دي

توتي:صاحبنا البلدي ده اللي اسمه غريب اه اسمه ياربي جعفر عزمني على البريكفاست (فطار) امبارح

وكلت حاجة فظيعة فظيعة ياميرو ..اسمها طعمية

ميرو :اووووووووووووه نووووووووو  ازاي قدرت ياتوتي ..انت غلطان افرض جرالك حاجة كنت هاعيش ازاي من بعدك واعمل ايه ياتوتي

توتي:هاروح انهارده  المستشفى لانها محتاجة جراح شاطر علشان البنج .. بس بعد البارتي (حفلة)بتاعة عيد ميلاد سولي(دلع سليمان)

ميرو :انت مجنون ياتوتي تروح البارتي بشكلك الفظيع ده وكمان لسه ماعملتش حواجبك ومنكوش ومافيش سيشوار

توتي:معاك حق ياميرو انا حاسس اني مش في المود اليومين دول

ميرو:قولتلك ياتوتي ..تستاهل عشان بتخرج بالنهار في الشمس من غير الصن بلوك(كريم واقي الشمس)

توتي:اووووووووه ياميرو خلاص بقا مش هانسى تاني

تفتكروا ايامنا المقلمة اسود على كحلي اليومين دول في حاجة إسمها رجولة ؟
للاسف لا …. بس ماتزعلوش مني هيا دي الحقيقة
لو انت راجل ياللي بتقرا مدونة كركر …عندي ليك سؤال
لو في مواصلة عامة(اكيد لو ماعندكش عربية زي بقية المصريين المدعوكيين في  الفقر)
لكن بقى لو عندك عربية مش هاعتقك ليك سؤال برضه
نرجع تاني وانت في الباص مليان وانت قاعد متجصطن وواحدة ست  ومش شرط عجوزة واقفة جنبك
هاتسيب مكانك ولا لأ؟؟
لو لأ يبقى ..انت سوري يعني سوري ماعندكش دم… واطلع من مدونتي حالا
ده طبعا اذا ماكانش عندك عذر زي الدوالي او الطحال او عرق النسا أو الفصام الذهاني(لان الفصام بيخليك تشوف الست راجل والراجل ست)
 لوانت من النوع التاني ……ابو عربية  (ايوه ياعم عربييييييية   ياسييييييييييدي  مش بانوء والله)
لو شايف واحدة ست مع جوزها في الشارع حامل وتعبانة على وش ولادة وبتصرخ  وإنت شايف مافيش
تاكسي يوصلهم …هاتقف لهم؟؟؟
لو لأ يبقى إخص بجد… واطلع برضه من مدونتي حالا
احنا شعبنا يستاهل الهم والنكد اللي هوا فيه لاننا مابقاش فينا رجولة بجد
والرجولة بتبدا من ابسط الاشياء اللي اتكلمنا فيها لكن اللي انا باشوفه مايطمنش
تلاقي الواد ياخويا من دول زي الفلق والبغل الاسترالي …شاب في عز هبابه قاعد
متكبب على كرسي في مواصلة عامة … والوليه ياعيني كبيرة في السن … جنبه واقفه مشحتفة وشايلة
 اكياس الجوافة على قلبها ولسانها مدلدل لبره من كتر التعب وبتبصله زي ماالجعان بيبص لرغيف العيش وهوا بيضحك ويهرأ مع اللي جنبه وهيا بتغني ظلموه
وامسك اللبانة اللي في بقه اخربشه بيها لحد مايخر الدم...
واقوله ماتقوم يابأف قامت قيامتك واتنصب ميزانك
وانتف له السكسوكة اللي شبه التفه اللي بيعملوها دلوقتي في الدقن .. وامسحله بفوطة شوية التراب اللي فوق بقه اللي بيقول عليه انه شنب

 عموما الميزان مختل …رجالة كتير في دنيتنا لا يستحقوا في خانة النوع  في البطاقة
الشخصيةالا لقب( ذكر  منحط)  …. وخانة للتصنيف (من نوع الحناتيس)

التاني في بطاقته (ذكر مشكوك في امره )..التصنيف(من نوع الفسافيسّ)

التالت (ذكر يتسم بالرقة) التصنيف (من نوع النسانيس)

 بجد والله حاجة تزعل فين الرجالة راحوا فين  راح راح رااااااااااح خد أملي ورااااااح  رااهاهاهاهاح
الابن مابيسالش على امه … وماشي ورا مراته وبس زي البوبي لاسي المربوط في الحبل
وجايز يرمي امه في دار للمسنين..ويقولها خليك هنا  يامامتي لحد ماأصلح السيفون عشان بيخر مياه

ويفضل السيفون طبعا يخر لحد ماالوليه ياعيني تحمض في وسط المسنين وريحتها تطلع لحد ماالمسنين يطفشوا من الدار اللي لمتهم ويجروا في الشوارع (ماراثون فوق ال80) بشرط السرعة لاتقل عن 20 متر في الساعة
ويتهرب من اخته لو محتاجة خدمة او مساعدة او مشوار…
ولا يسال  على مرات اخوه وولاد اخوه .. لو كان اخوه مثلا مسافر ويشوف محتاجين ايه
الست بتبقى واقفة في طابور عيش او بنك او مصلحة حكومية وسط رجالة كتير
مافيش واحد يقولها اتفضلي يامامتي انتي الاول .كل واحد بيقول يلا نفسي  …والباقي يولع ..مايعرفش التوتو الحنتوسو ده ان ليدز فيرست
طب والستوتة… الست

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

435 تعليق »

 علي يوسف القرصان في عيادة الدكتور النفسي حسين صرع

الدكتور :ايوه ياإبني ..قولي بالظبط حاسس بايه
علي :اااااااااااااااااااااااااااه تنهيدة كبيرة وبعدين تناحة

الدكتور :فهمني يابني انا مش ناقص خانكة انا  عندي من عينتك كتييييير لازم الحق اشوفهم كلهم
علي :أ أ أ أصل انا أنا

الدكتور بسرعة بيكتب في الورقة : تهتهة مع تلخلخ في التركيز…كمل يابني
علي:مش قادر اشتغل..

الدكتور بسرعة في الورقة: إديلو تبلد نفساني وانحطاط مجتمعي
علي:كنت حلاوة ومية ميه وبعدين مريت بأزمة ومش عارف ليه من وقتها باشوف كوابيس في المنام
الدكتور:طب تعالى ياعلي مدد هنا على الكراويتة دي وغمض عينك وحاول تفتكر بتشوف ايه بالظبط
علي:باشوف بسم الله الرحمن الرحيم زي مايكون اشباح والاشباح دول لابسين لبس صيادين
 وداخليين عليا عشان اخطفهم ..قصدي يخطفوني

علي يصاب بحالة شديدة من التشنج العصبي وجسمه يهتز اهتزازت عنيفة ويتمدد ويتخشب ويعرق عرق غزير
الدكتور بسرعة يأتي بحقنة طويلة طولها 40 سم مليانة بعقار غريب مستخرج من مؤخرة قرد صومالي
يقوم بالحقن سريعا بعد ان وضع في فم على قطعة من القماش حتى لايبتلع لسانه فيموت مختنقا ثم لطشه قلم ساخن

علي بعدالقلم يفوق من غيبوبته واحدة واحدة
ويفتح عينيه بتمهل فيرى وجه الدكتور فيصاب بذعر مفاجئ ويضم جسمه كاملا لبعضه البعض
 حتى تكون ركبتيه عند ذقنه مشبكا ذراعيه ويصرخ لا لا  مش انا مش انا ..حرام عليكم عاوزين ايه تاني؟؟ الفدية خدوها

الدكتور :انت كويس يابني ياعلي ماعندكش غير انحلال واقعي واهتزاز سيكوني
واكتئاب حاد وبوادر صرع وزغللة في العين وانفصال عن الواقع وهلاوس سمعية وبصرية…ودي حاجات تافهة ماتقلقش

الدكتور :مين الجماعة اللي بتشوفهم في الكوابيس

علي بيبص ورا قفاه في خوف شديد  ويشاور للدكتور باصبعه السبابة   هششششششششششششش
علي:بصوت واطي …يسمعوك..
الدكتور :هما مين يابني جبتلي أرق و هلع
علي :ماهو هما دول اللي بيجولي في الكوابيس…باحلم اني باخطف سفينة كلها خيرات ربنا وبعدين باتصل بالتليفون اطلب فدية
وفجاه  …الدكتور ارتعش من الخضة
علي:وفجاة تطلع السفينة المخطوفة دي بتاعة اللي مايسموش
الدكتور :مين يابني ا؟؟؟ ورمتيني حرام عليك قربت امرض هاعالجك ازاي بعد كده

علي وعينيه في ذهول تام مع تبريقة :المصريين

الدكتور ضاحكا:ييييييييييييييييييييييييييييييييييي هوا ده اللي دهولك الدهولة السودا اللي انت فيها دي
الدكتور :لا لا لا انت مالكش غير حل واحد ..داويني بالتي كانت هي الداء
علي مستنكرا :يعني ايه يادكتور؟؟

يعني يابني عشان عقدك الملخبطة المتكعبلة دي تتفك وتبقا قشطة بالمهلبية لازم تسافر مصر
لازم تروح للاشباح واللي انت بتخاف منهم ..تواجهم  في عقر دارهم بكل جرأه وشجاعة..ساعتها وهمك هايتبدد  وتخف
علي  مشيحا بوجهه ومغطي وجهه بايديه :انا انا لا لا اروح هناك عندهم لا
الدكتور صرع:مافيش غير كده والا حالتك هاتدهور اكتر واكتر والوكسه اللي انت فيها هاتبقا خيبة بني
علي :شوفلي اي بلد تانية بلاش دي ..والنبي ابوس جزمتك
الدكتور :يلا يلا قوم كده يابطل لم الروبابيكيا  والهلاهيل بتاعتك  في شنطة واتوكل على الله
وبسرعة لان التاخير مش كويس وخد حبوب الهلوسة  كل ماتحس بالأزمة ..هاتلعلع وتعمل دماغ.. 5 حبيات تلات مرات كل تلات ساعات بس ماتكترش عن كده هاتنام وهاتبقا زي الفل وحالتك البؤسية هاتوظوظ

علي تشجع قليلا وخصوصا انه بيتكلم مصري كويس جدا من طول الفترة اللي قضاها مع المخطوفين 

 ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

في الطائرة يقرأ ايات القران من شدة الخوف من الاقبال على المجهول المخيف وتهبط الطائرة

علي  وصل المطار وشنطته على الأرض يشعر بانفاس تقترب منه وفجاه بصوت مرتفع جدا  خرم ودانه .الحلاوة يابيه كل سنة وانت تيب
علي :حلاوة ؟؟؟مش فاهم
الشيال  بعد مالفع الشنطة من غير إذن وكان ناقص يشيل علي نفسه : يابيه قب بالحلاوة  علي :حلاوة ؟؟

يابيه  : الشاي ؟؟
علي :انا ماجيبتش غير حبوب الهلوسة بتاعة صرع
الشيال:هلوسة ايه بس ده باين عليه مهفوف  ولا ايه  يادي الوقعة السودة ؟؟ ..الله ماتهرش يافندي
علي تأزم نفسيا اكتر من ذي قبل في اول مواجهة مع مصري بعد الازمة
الشيال :الله سياتك اسمر اوي ؟؟هوا الباشا منين ولا مؤخذاه بالصلاتو على النبي ؟؟النوبة؟؟
علي بكل ادب وحذر :الصومال    الشيال  قام رازع الشنط في الارض: صومالي .ييييييييييييييييييييييييه 
ياعم واحنا ناقصيين فقر …جاتك الهم غووووووووور
علي في حالة إحباط شديد في اول اختبار
خرج من المطار يدور على تاكسي يوديه لأقرب فندق يستريح ويلحق اول حباية للهلوسة لان حالته بدأت تسوء
تاااااااكسي …فووووووووووووو

تاااااااااكسسسسسسسيييييييييييييييييييييييييييييييييييييييي  …فوووووووو فوووووووو  فووووووووووووووو

علي حيران مافيش تاكسي عاوز يقف له..
وفجأه على بص لقا نفسه متفألس على وشه في التراب هوا والشنطة مرة واحدة
بيبص وراه لقى  تاكسي خبط فيه وهوا اللي شقلبه

السواق:يابلدينا .. انا شايفك حيران ..اوديك مترح ماتحب على عنينا بس 100 جنيه عرقي
علي :عرقه ؟؟  السواق :ااااااااااااااه  ليه ؟؟كتير ميه جنيه؟؟ خلاص امشي؟؟
علي :لالا موافق   السواق :اه باحسب …فين بقا  ؟؟ونهارك زي وشك انشاء الله
علي:اقرب فندق..
السواق:عندي ليك مكان انما ايه؟؟  لووووووووز
علي:موافق    السواق :بس ولامؤخذاه في دي الكلمة يعني انا ليا الحلاوة ههع هع هع هااااااع(ضحكة محششين)

علي:في سره… ايه حكاية الحلاوة في البلد العجيبة دي ؟؟بيحبوا الحلاوة أوي
فجاه علي حس انه جوه فيلم في شيكاغو السواق شرخ بالتاكسي على اقصى سرعة ورا تاكسي تاني وكلاكسات
علي  مذعور اجدا:هوا فيه ايه ياريس؟؟
السواق: اخرس انت  خالص ..قطم رقبتك على صدرك ..ماهوا وشك ده اللي اصطبحنا بيه

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

378 تعليق »

 هههههههههههههههههههههه  مش قادرة ااقول والله لساني مش مطاوعني

الحقوني بكوباية مياه ياعالم هاموت اكح اكح خخخخخخ..اصلي لسه قارية خبر طازة ههههههههههه

اهاهههههاهاهاهاها  هيهيهي هوا طبعا خبر قديم لكن بالنسبة لي جديد نوفي ولكن اوحى ليا بفكرة الادراج

عارفين ان في سفينة اتخطفت في الصومال من القراصنة الصوماليين

واحنا قعدنا نقول فين السفير المصري والمصريين مالهموش قيمة ولا وزن ولا بلدهم بتهتم بيهم لا بره ولا جوه

السفير راح يعمل مفاوضات اتخطف  ..لحد مالحكومة تسأل فيه وتدفعله الفدية ….اه  اه يابطني الحقوني هههه  وا وا هههههههههههههههههههههههههههههههه
مش قادرة اكمل  والله امممممم  استنوا شوية كده  …اااااااااااه   الحمد لله استريحت

. (من كتر الخيبة …. ملناش حتى سفير عشان مايسألش عننا)
"""""""""""""""""""""""""""""""""""""""""""""""""""""""""""""""""""""""""

نتكلم بقا على قصة السفينة  التانية المصرية بلوى ستار 

المشهد:مياة البحر الاحمر الاقليمية الصومالية  على  ضهر السفينة (بلوى ستارز  والاسم الاصلي بلو ستار)

الشخصيات :القرصان الصومالي علي يوسف  

القبطان المصري المخطوف محمود سويدان

المذيع اللامع معتز الدمرداش

الحاج ابو محمود      

القرصان على يوسف جالسا القرفصاء يبكي ويتنحنح ويتشحتف..ماسكا منديل مخروم بينف فيه والبرابير بتقع من الناحية التانية على بقه وكل فترة يرفع كفه وينزل لطم على خده لحد ماورم

القبطان محمود جالسا على ركبتيه بجانب علي  والدموع تملأ عينيه.:جرى ايه ياعلي ياخويا ماتصلي علي النبي آمال؟؟.مش كده ياخويا صحتك انت عندك أطفاش

علي: بس والنبي ياسمك ايه انت سيبني في حالي مش ناقصك ..جبتيلي الفقر من يوم ماشفتك انت واهلك كلهم

محمود :بيطبطب على القرصان بحنية وافرة..ليه بس مش كفاية خاطفني وانا حاطط الجزمة في بقي
علي :انا مالي ماكنت في حالي انا والشلة  وماشيين آخر حلاوة …اتهف في مخي ليه واسرق سفينة مصرية ااااااااااه اهي اهي اهي
محمود:مش قلتلك ياعلي هاتندم اول مرة شفتك وعرفت اللي في نيتك  ..ماحدش هايعبرك  
علي: انا مش ناقص فقر ..ده احنا هنا في الصومال بنقرقش بعضينا من كتر الجوع اقوم اجيب كام شحط كمان اصرف عليهم من جيبي
محمود: طب اعملك ايه بس قولي ده احنا حتى الاكل كله خلص ومش لاقيين اللضا 

علي:ولو إن ده ماحصلش قبل كده لكن غور انت واللي معاك ..هاسمحلكم بالتجول على ضهر السفينة تصطادوا سمك من البحر وتشووه الهي تغرقوا واحد ورا التاني يابعدا

علي مستطردا:هوا انتم مالكمش حكومة تسأل عليكم..بقالنا الوقتي اسبوعين وزيادة وماحدش عاوز يتفاوض معانا

محمود:هههههههههههههههه ولا هايتفاوضوا

أحس علي بيأس شديد ورفع راسه فجاة وقام يركض تجاه سور السفينة وانتصب واقفا عليه.. ثم اطرق براسه لاسفل ناظرا لمياه البحر وترك جسده يسقط لأسفل

لحسن الحظ التقطه محمود بأعجوبه

محمود:جرى ايه ياعلي انت عاوز تموت كافر  يأخي مش مكفيك انك حرامي

علي مقاوما أذرع محمود التي أحكمت القبض عليه :سيبني سيبني مش عاوز اعيش  بعد انهارده

محمود محكما قبضته:ليه بس كده قطعت قلبي ياشيخ

علي :اهي اهي انا حاسس ان انا اللي اتخطفت ..كان يوم اخبر ماطلعتلوش شمس
محمود  متأثرا بمنظر علي : طب فيه حاجة ااقدر اعملهالك؟؟

علي  :أنا بافكر انه ابعت …اهئ اهئ اهئ هابعت فا فا فا  ..فاكس للحكومة المصرية اطلب يتفاوضوا معايا

محمود: ماشي ياعلي بس انا خايف والله تعبك ده يروح على الفاضي..

علي : ألطم علي خدي تااااااني اه اه ياني يامه حرمت يامه اخطف سفينة تاااني …حرمت توبه يارب توبه بس نجيني
محمود : طب ماتحرقش دمك ..انت جتتك كلها هزال ومش حمل اللي بتعمله ده .انا عندي الحل
علي :ماسك ايدين محمود..بجد؟؟؟ وقام موطي بايس رجله..قولي ابوس جزمتك انت وال28 اللي خطفتهم واحد واحد  الحل ايه؟؟؟

محمود:انت عاوز نصيحتي ولا اغشك؟؟

علي :قول قول ..اعمل ايه
محمود:مافيش غير برنامج من البرامج الاربعة دول عشان تجيب نتيجة

علي :مش فاهم
محمود:البيض بيضك …الخامسة فجرا… 9000 دقيقة…. او النكد اليوم

علي: طلع منديله وحس بالامل ونشف دموعة .(زي الغريق اللي تعالق بقشة).يعني اتصل بيهم؟؟؟
محمود:ايوه مافيش غير الراي العام هوا اللي هايحللك مشكلتك ..يوه اسف  قصدي مشكلتي

علي :لاطما على خديه حتى احمر احمرار شديد رغم سواد بشرته قائلا   ومشكلتي مشكلتــــــــــــــــــــــــي  اااااااه  ياحوستي يانا يامه ياوقعتك السودا ياعلي
محمود :ماقلتلك خلاص بقا مش تسترجل وتنشف شوية… قرصان ايه بلا نيله

علي :والله انا كنت قرصان كويس وشغال بما يرضي الله  وماشية معايا حلاوة بس من وقت الساعة السوودا اللي شفنا فيها خلقكم… وانا مش عارف النحس ركبني ليه؟؟

محمود:عشان تحرم تمشي معووج

علي:كل السفن اللي خطفتها قبل كده ماحدش فتح بقه معايا ولا قال بم (يلطم  مرة اخرى بشدة) وهما اللي كانوا بيجروا ورايا والرقم اللي ااقول عليه يدفع طوالي

محمود :هوا انت طالب كام فينا؟؟
علي : 3 مليون دولار
محمود :في حالة هسترية من الضحك واقعا على الارض مستلقي على ظهره  تلا تلا هاهاها   تلاته مليون دولار

علي  بنبرة يائسة :الواد عثمان القرصون صاحب عمري حذرني وانا اللي ماسمعتش كلامه  .خطف سفينة مصرية قبل كده …أنا كنت عنده من يومين

محمود:عنده فين بالظبط؟

علي: في مستشفى الامراض العقلية بعد ما سخن وحرارته عليت لما خد 600الف من الفدية اللي طلب فيها 4 مليون دولار وأخدهم شوكوك كمان  اهئ اهئ  …بعد مفاوضات شهرين

علي لاطما وجهه :أنا بقا قلتلهم الرهاين قالولي ارميهم من على ضهر السفينة في البحر …اااااااااااااه يافضحتك ياعلي في وسط القراصنة ..هيبتك راحت ..هاتبقا مسخة البحر الاحمرولاحد هايعملك حساب بعد كده..  هاتوري وشك ازاي للقراصنة زمايلك أنا فاشل ..أنا فاشل…

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

263 تعليق »

كل اللي فات كوم واللي جاي ده  كوم تاني  ..والله ياخوانا كل اللي قلته مافيه ذرة مبالغة
الكوسة عندنا خضرا اوي اوي …طب مش مصدقين  والله العظيم انا مرة شفت مذيعة عندها حول في عنيها  ..ومذيع ألدغ مش بيعرف ينطق حرف الراء غير يقولها حرف إغ بس ..طبعا ماليش اني ااقول دي حوله وده الدغ ..بس لما الاقيهم مذيعين بالكوسة واخدين مكان شباب تانين كفاءة وثقافة … يبقا ظلم ..ده الكوسة بقت قرع عسلي

والألدغ ده حاطينه في كل البرامج الكروية والنسائية والترفيهيية بيقول (الى لقاء اخغ.. واشوفكوا بوكغا ..وتصبحوا على خيغ)  ارد انا واقول وانت من اهل الخيغ  ياخويا…الحقوووووني انا لساني اتلوح  خلاص من كتر الفرجة عليه

..والله دي نكته لوحدها مذيعة حوله ؟؟؟..ابصلها كويس وامقق عنيا.. واقول ياربي هيا بتبصلنا احنا ولا للمخرج اللي في الكواليس.؟؟؟.ولا خلصت النشرة واحنا مش واخدين بالنا 

جايز دي ميزة في التلفزيون المصري ..لان المذيعة دي رؤيتها هاتبقا متعددة وشاملة غير اي مذيعة تانية

وممكن تبص لكاميرتين في وقت واحد ونبقا ضربنا عصفورين بحجر واحد…

واللي مجنني كمان المذيعات رغم سنهم الكبير بيطلعوا على الشاشة ووشهم مليان حب شباب (طب ازاااااااي؟؟

)
والمذيعة تلاقيها متختخة ولابسة بادي مفرقع من جنابه وبنطلون برمودا تحت الركبه كأن عندها 18 سنه ..
ياختي مابصتيش في مراية وانتي طالعة من البيت..والله تيته أحلى منك ..وناقص تعملي شعرك زعرورتين وتلبسي مريلة كحلي وتمصي مصاصة

طب سيبنا من الشكل بلاااااااااش دي ولو انها في الاعلام مهمة  خلينا في الثقافة

 .المصيبة الكبيرة يوم مالقيت مترجم عظيم في فضائيتنا الحبوبة اللهلوبة في مهرجان استعراضي عالمي للاطفال في مصر بيقول لبنت من كرواتيا تسال زميلتها اللي واقفة جنبها وكانت اجنبية برضه عن سنها فبيقول للبنت اللي بتفهم انجليزي (how old are she)
اقسم بالله ده حصل ..انا لقيت نفسي ميته على روحي من الضحك ..يانهار اسود ومنيل ..ياخلق هو دي بلد عايزة تتقدم
are she ياراجل طب خليها  r s t u v w x  تبقا مفهومة شوية اديك على الاقل أديك سمعت الحروف بالترتيب …ياخلق  ياهوووووووو  انا قربت انسى الانجليزي

طبعا يااخواني في الكفاح من اجل الحق ..انا مش بادافع عن المذيعات على الفضائيات الصاروخية المعروفة لدى الغالبية  وغيرهم واللي فيها المذيعة بتشتري مناديل وايشاربات تـأيفها  كفساتين سهرة حتى في عز الشتا.. والشتا هناك زي ماتعلموا حضاراتكم برد قارص وتلج ..بس هناك البرد بيجيب نتيجة عكسية في الملبس

ولكن انا برضه باعترض على الكوسة في بلدنا اللي حصلت حتى المذيعات ..وكأن مصر مافيهاش شباب كويسين وفي نفس الوقت محترمين  وحلوين وشيك ومثقفين
واجهه يعني (مش  قصدي فاتريينه)

خديجة بن قنه مذيعة الجزيرة بعد الحجاب ..والله تضرب اي مذيعة مصرية من الحيزبونات اللي افشيين في كراسييهم من 84 سنة فاتوا ولا هما محجبات ولا نيلة بس شكلهم يجيب تعنية  والدودة الشريطية من البلا اللي لاحقهم

ده غير البرامج التافهه اللي ميزانيتها ربع جنيه بيلموهم من جيوب العاملين في البرامج زي اتسلى معانا
حد شافه ياخوانا؟؟..في حد لغاية انهارده بيلعب( x o)على ورق لحمة حتى..؟؟ مش في برنامج  في قناه فضائية بتنجانية عباسية والجايزة تصقيفة وبس …حتى مافيش ربع جنيه مخروم

برامج تجيب التخلف للمشاهد لما يشوفها يجيله تلخلخ نفساني واهتزاز عاطفي وانحلال في الترك

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

238 تعليق »

 الواحد مش عارف ايه لازمة الكلام كل يوم والتاني عن الريادة الاعلامية في وطننا العربي
ريادة ايه بالذمة الكلمة اللي بتخلي ام الشخاشيخ تركبنا وتعفرتنا حابس حابس ..وخصوصا لو حد مش مصري بيتكلم عن تقدم الإعلام في بلده ..وانجازات بلده العظيمة في الفضائيات البتنجانية..

نفرد البوز المتين وننفخ  النفاختين في الخدين ونلزق شفتنا الفوقانية في المناخير .ازاي الريادة العظيمة راحت مننا احنا المصريين؟؟
بلا وكسة والنبي ..خلينا نفوق بقا ريادة ايه اللي انت جاي تقول عليه (ياقلبي ياكتاكت ياما انت شايف وساكت)
سيبوني بقا أفش وأبعبع اللي في قلبي احسن افرقع منكوا ماتلاقونيش تاني..

ياخواتي هاتجنن كل ماأقلب على الفضائية المريخية البلوتية المصرية ألاقي برامج اغاني وبعدين برامج طرب وبعدين بقا التغيير برامج كليبات..هوا ازمة الغلابة حصلت الفضائية المصرية كمان  …اغاني اغاني اغاني ..بصوا معايا كده وانتوا الشاهدين والنبي
برنامج اتسلي معانا.سباق الزمن الجميل .النشرة الإخبارية  .برنامج ساعة طرب
  أغاني دوت كوم.برنامج البيت بيتك.موسيقى في الحي الغربي .سباق الاغنيات

يعني الحل ايه مع الناس دول اللي مابييطلوش يغنوا لا ليل ولا نهار والله في برامج تانية وانا ناسيها بيتكلموا فيها على مطرب ويجيبوا شوية مواهب شابة تحيي ذكراه السنوية .بدل يعني الهم والنكد والعياط عليه وقراية قران ونزور المدافن ونوزع جوافه وبلح حمضان
كل الفرح والهيصة والهيجان  ده على ايه ؟؟..ده ولا نصر اكتوبر المجيد ..هوا فيه علاوة جديدة ولا ايه؟؟ لما باسمع الاغاني والافراح الجامدة دي بيتهيألي ان ماتش مصر وتونس خلص بفوز المنتخب المصري كعادته صفرصفر(أصل ده الفوز بتاعنا)

والله انا لما تابعتهم دماغي بقت زي الطبلة…..لو مافيش ميزانية نعمل برامج عدلة زي بقية الفضائيات
يبقا وحياة اعز ماعندكم (اللي هوا برنامج البيض بيضك) تشطبوا وتجيبوا ضلافها بقا وتريحونا بلا الريادة بلا خالتي سعاده
فضحونا في وسط الفضائيات  ..وخلوا رقبتنا قد حبه السمسمة

ريادة ايه بس اتدلدلنا وبقينا ورا خالص عند بتاع الكشري اللي في اخر الشارع
وبعد الغنا والتطبيل والرقع والخبط وبوم بوم بوم ليل نهار لما ودانا طولت لفوق(زي أرانب يعني مش حاجة تانيه ياشريرين)

نقول  مش مهم اهم  برده المذيعات بيطروا القعدة شوية  ومنتيجين للنسمات الباردة في الحر ده..تيجوا ياجماعة نقفل الصوت ونريح ودننا من الزمامير والطراطير دي ونخليها فرجة بس .

.تلاقي مناظر ماتسرش لا عدو ولا حبيب
هاموت اموت واعرف بيلموا المذيعات دول منين ..من على القهاوي .يكونش شب

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

135 تعليق »

آمنة  ـ وين هنادي ياماي؟   جابر ـ هنادي كالها الوبا ..  آمنة ـ وين هنادي ياخال ؟

  جابر ـ جولتلك هنادي راحت في الوبا ..طرااااااااااااااااااخ(قلم سخن)
جابر بيبص لللأم ـ شوفي بتك احسن الوبا يطولها زي ماطال اختها
الأم ـ خاف الله ياجابر
آمنة ـ جتلتوها انتوا الاتنين جتلتوها انتوا الاتنين
آمنة  ـ هناااااااااااااااااديييييييييييييييييييي والكروان يكركر {بس  مش كركر بتعاتنا}
طبعا زمانكم بتقولوا أميرة إتهفت في مخها ماعلش أصل شاربة ينسون واي مشروب أصفره بيعمل عندي تربنة في المخ
بس انا باتكلم جد مش باهلفط في الكلام فاكرين المشاهد العظيمة دي
شوفتم كانت الاخلاق مهمة ازاي(بيني وبينكم جابر ده لابتاع اخلاق ولا ذفت كل اللي كان عاوزه انه يقبض مهر البت امنه)
بس هانفترض مثلا مثلا ان جابر ده ماشي على الكورنيش  ..بيضرب بعينه المدغششه من تحت العمامه بص لقا امنه قاعده مع أمين على الكراسي اللي هناك
حاطط دراعه ولفه حواليها وحاطين بوزهم في بوز بعض كان هايعمل ايه؟؟
اكيد كان هايقول :شرفي  ياولد المحروجه .فين البوندوجه ياجبيصي ياولدي.. العار ولا التارسوري سوري التار ولا العار  جبر يلمكوا أنتوا التنين .ويروح مطلع البوندوجه بتاعته وطاخخهم عيارين ويتاوي جتتهم في النيل
ده جابر بتاع زمان الله يكحمه مترح ماراح بقا ..داهية لا تعوده ولو اني باحترمه
أما جابر بتاع اليومين دول ..عايز الحش بمنجل كان فين لما امنه راحت ويا  هريدي(يوه هريدي مين ده انا يظهر بلخبط بجد )خليكم انتوا صاحيين
قصدي كان فين لما امنه راحت مع أمين وخرجوا على الكورنيش وقعدوا
يعملوا بروفات على شهر العسل ..كان فين جاااابر؟؟وكانت فين ام امنه لما امنه خرجت وهيا قال لابسه طرحه مقاس 15 سم ومدلدلة نص شعرها على خلقتها وملزقاه بالتفافة
ولا لما امنه قلعت جلابيتها الحشمة ولبست بنطلون إسكرتش ملزق ومحذق وممزق
والبادي الستوماخ حتى في عز الشتا .يابت ده انتي ماشاء الله شايلة اهرامات الجيزة وسقارة كمان عيب كده والنبي يعني ينفع نقول دول محجبات ..ده يرضي ربنا ياعالم
طرحة ايه ياامنه اللي انتي حاطها دي
يابت يامنه ده كل دهانات سكيب وجوتن وورنيش الهلب وشو شاين خلصتيها على سحنتك ..ياآمنه لسه مافقستيش ماالبيضة وماشيه في الشارع عامله فيها هند رستم في فيلم صراع في النيل مع فتى الشاشة الأول رشدي عبد السلام

ولا امنه بتاعة الجامعة اللي ضربت العلام في قلبه شلوتين ورايحة تعمل دويتو (مش غنائي طبعا)دويتو عاطفي ..تقوم منشنة على واد فتك من اللي بيلبسوا بنطلون لو ويست اللي هوا سانده بايده احسن يقع  منه .وتأنجش معاه (جتهم شكه في معاميعهم قولولوا ان شاالله)
ويدوروا على حته مطرفة يقعدوا فيها (قعدوا كببة لا راس ولا رقبة)وانا ااقول ياربي الواد حاطط ايده في شعر البت ليه ..جايز بيفليها من القمل والبراغيت والسبايدرز

امنه :ايوه يابيبي انا كلمت مامي علينا.لانها صاحبتي الانتيييييييم وماقدرش ماقدرش اخبي عليها حاجة .وحتى دادي معودنا على الصراحة حكيتلهم عننا وهما فرحانين قوي
وممكن بعد كده تكلمني على تليفون البيت

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

98 تعليق »

 اللي معاه موبايل إن 96 يسوا كتييير.. واللي معاه بكاميرا واحده مايسواش حاجة خالص  .نكمل بقى في أحوال شعبنا ..تعبان ومطحون صح؟ الاغلبية هيا الفقرا صح؟الناس مش لاقيه العيش الحاف صح؟ مش مكفيين بيوتنا عيش وزيت وسكر مش اللحمة

أمال نفسر بايه ظاهرة الكماليات اللي بقت موجودة في اغلب البيوت
الكل عنده دش ورسيفر الكل معاه موبايل (خط ولا كارت مش مهم بس المهم فترة السماح عشان نفضل نرن لبعطينا )

المهم لازم يكون فيه موبايل

الراجل وعيلته ممكن يبقوا فقرا دقه والفقر داقق عضمهم وتلاقي الراجل شايل موبايل
والست ليها موبايل والواد الزبلة هوا كمان ليه موبايل
والموبايل ايه لازم لازم حسب احدث خطوط الموطة في تيمور الشرقية… يبقى في الايد

تلاقي الراجل بنطلونه مليان جيوب وفاضية … بس فرحان اوي وشايل الموبايل في ايده عشان الكل يقول الاستاذ عجمية معاه موبايل
الست شنطتها فيها كل غالي ونفيس بس الموبايل لازم يبقى في الايد ومدلدل منه سلسلة حرف (إع)لزوم الروشنة

وتلاقي الراجل بيشتغل موظف غلبان والعفن مالي حياته… وفي ايده موبايل حديث
هوا من البيت للشغل ومن الشغل للبيت… طب ماهو أساسا مكتبه عليه تليفون لو يعني عشان مراته  احتاجته ..وياختي خايفة عليه اوي لايطير عاملة له حصار بالرنات.. هايروح فين يعني 
بس قال من كتر الحب ماهو مقطع بعضه بين المتجوزين الراجل معاه موبايل يرن للست والست ترن له .

ولو الشحن خلص تبقى مصيبة الراجل يلف حوالين نفسه والنبي ياعم ماعندكش شاحن اصل الشحن خلص (يادي المصيبة بقى شرطة واحدة .. واحدة بس هاعمل ايه ياربي)قال يعني مستني مكالمة من احمد شوبير

ايوه ياحبيبتي انا في السوق اجيبلكم طماطم.. بس ده الكيلو بخمسه  جنيه خلاص بلاش بلاش…طب في هنا فراخ بس الكيلو ب12 جنيه ..بلاش بلاش طب خلاص ياحبيبتي .اقفلي انا في السكة اهوا وحضرلنا الطوب بقى اللي هاناكله على الغدا
يكون صرف في الموبايل 5جنيه اللي كان هايشتري بيهم الخضار

ونادر ان حد يشيل موبايل عشان يتكلم فيه ..كلهم شايلينه عشان يدوا لبعض فس كول وسميتها انا فس كول طبعا لانك مابتلحقش تسمعها فس وتخلص لان اللي بيدي الفس يخاف يطول الفس شوية تفتح عليه يبقا نهار مش فايت 

 ورنتك باسم حضرتك ..وفلوس بتتصرف عالفاضي بتكلف شعبنا ملايين كل شهر تقع في الاخر في حجر بتوع فودافون (اقوى شبكة صيد في مصر)وموبينيل (رن من القلب)

والست كل مشاوريها الطشط المخروم اللي في الحمام و الحلة المصدية اللي في المطبخ

يعني كل الناس دول ماهماش بسبس مان ولا وزرا ولا دكاترة ممكن يجيلهم حالة طارئة… البت تبقى في الكليه وراجعة بيتها وتقور لامها وهيا في التاكسي خلاص ياماما انا في التاكسي قدامي 5 دقايق ماتقلقيش ياحبيبتي
وتطلع على سلم البيت وتقول ايوه ياماما انا على السلم اهو
وامها تقولها (في الموبايل) وانا على الباب اهو ياحبيبتي (واساسا هما سامعين بعض من المنور)مش من الموبايل ..وانا ياماما قربت على الباب..وانا ياحبيبتي بافتح اهو… يتقابلوا وهما لسه فاتحيين الموبايلات {أحممممممممممممممممممد منىىىىىىىىىىىىى آسفة آسفة اصل اتلخبطت شوية …..ماماااااااااااا بنتي حبيتيييييييييييييييييييييي هييييييي

المزيد

ـــــــــــــــــــــــــــــــــــــــــــــــــــــــــ

التصنيفات : غير مصنف |

دوّن الإدراج

53 تعليق »