كركر

 الغازية لازم ترحل الغازية لازم تنزل الغازية لازم ترحل الغازية لازم تنزل

ياااااااه ياسلام ياولاد مشهد مؤثر يخلي العين تسح دموع ..فاكرين كلكم المشهد العظيم ده اللي كل اهالي البلدة اتلمت تحت بيت الراجل الغلبان احمد افندي

وكل ده عشان تاوى في بيته الغازية اللي حنت على عياله الايتام يومين تلاته

اهالى البلد بقا اتلموا بربطة المعلم اللي بشومة واللي بمأشة واللي بعصاية ..ومنهم اللي ماكانش عارف اصلا هوا بيهتف ضد مين  وليه ومش متاكد اصلا انه في غازية فوق ..بس اللمة اللمة ليها سحر  

والوقفة الحلوة ماتتعوضش وقعدوا يهتفوا الغازية لازم ترحل الغازية لازم تنزل الغازية لازم ترحل…تلاقيكوا الهتاف ده بيرن في ودانكم

سامعاكم ؟؟الغازية لازم ترحل الغازية لازم تنزل ..برافو .. أعلى ..الغازية لازم ترحل الغازية لازم ترقص…يووه ..سامعة في واحد فيكم غلط ده يطلع بره لان له اهداف اخرى

ايامنا البنبي دي السيلفش انتشر …وللجهلاء في اللغة الانجليزية من قرائي الاعزاء (سيلفش يعني اناني)

..زي حال نفوسنا وبيوتنا واهالينا وشوارعنا اللي اتغيرت احوالها

تلاقي الشعب منقسم فئات  كلها انانية… اللي هيا ايه؟؟؟اسم الله عليكم 

اللي هيا بالصلاتو على النبي فئات الشعب العاطل ..احمممم احم قصدي فئات الشعب العامل

يعني كل فئة طول مافيش ضرر طايلها تقولك وانا مالي ياخويا بلا اعتصام بلا امن دولة …هوا احنا حمل الكرابيج وجرادل المياه الوسخة ..خلينا ماشيين زي مااحنا جوا الحيط .."اصل جنب الحيط الوقتي مش امان ممكن تتشفط تتلهط"

حاكم الفئة اللي ماتتسماش التانية دي ليهم مطالب  يتفلقوا واحنا مالنا

ولما النار تلسعه ياولداه وشفايفه تبدا تشقق وقفاه يحصلم وريقه ينشف ويحطب  ووشه يفَلق ..ويصرخ ويقول جااااااااااااااااااي …يلا نعمل اعتصام

العمال يلموا بعضيهم ويعملوا اعتصام ..وعلى كلمة واحدة ..مش ماشيين مش ماشيين ..فتلتين ومرتب شهرين

القضاة يلموا أروابهم ويعملوا اعتصام .وعلى كلمة واحدة ..مش ماشيين مش ماشيين..كرامتنا وفوقيها جٌنحتين

الصيادلة يلموا بلاطيهم ويعملوا اعتصام .وعلى كلمة واحدة ..مش ماشيين مش ماشيين..اجورنا وكمان لبُوستيين

الممرضات يجروا العيانين ويعملوا اعتصام .وعلى كلمة واحدة ..مش ماشيين مش ماشيين..تعديل حالنا وحقنتين

الراقصات يلموا صاجتهم …ويعملوا اعتصام وعلى واحدة ونص  (دول زيادة نص)..مش ماشيين مش ماشيين..تعديل حالنا ورعشتيين

طب ياولاد الحلال المشكلة واحدة والفساد واحد اللي خلاكم كلكم تصرخوا ..بدل ماكل واحد يصرخ لوحده  ماتحسوا ببعض ..ماتبقا صرخة واحدة اعلى واكبر واقوى حتى تجيب نتيجة ,,,,طب ماتتعلموا درس ناخد منه عظه وعبره  من المشهد اللي اهل البلد فيه اجتمعوا عشان الغازية ترحل ..طبعا الغازية برده تااااااني  هيا صباح ..مش الغازية اللي في بالكم اللي هيا صباح ومساء وظهر وعشاء وامس واليوم وغدا وكل غد ويارب مايفرقنا عن بعض ابدا يااااااااااااااارب

ده حتى غازية الفيلم ماكملتش يوميين في الدار..والاهالي جري في عروقهم الدم الحار

والغازية اللي في بالكم مش بالي انا ..يوووووووووووووووووووووووه ده انتم بالكم طويل اوي..يوميين ايه ؟؟هههههههههههههههه

اوعوا تقولوا اني باتنيل واحرض ..انتم عارفيين ماليش في السياسة ولا افهم فيها ..والناس اللي بيحبوا يوقعوني في الغلط يتلموا 

حتى كاركتير صابر وحكمت قلبوه سياسة وبقا صابر الشعب الغلبان وحكمت الحكومة المفترية..وهما عارفين نفسهم 

هههههههههههههه

نكمل بقا 

اما في ايامنا البنبي دي كلنا ملاحظيين الاعتصامات اللي بقت في كل حتة  والمكان مهم جدا والشعب بقا بيتخانق مع بعضه على المكان المميز للاعتصام وكل فئة تقولك لالالا مانمشيش من هنا ده مكان 

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

صوت البحر والنوارس اضغط

هذه اللوحة هي اول لوحة تٌطلب مني ..طلبتها مني صديقتي الحبيبة والقريبة الى قلبي الكاتبة الصاعدة حورية الاسكندرية نادية طه…أٌهديها لها واتمنى ان تنال اعجابها وذلك  نظرا لحبها الشديد للبحر وطيور النورس

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

اضغط على الصورة للتكبير

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

اضغط على الصورة للتكبير  صااااااااااااااابر  هاتروح الشغل وانت كده ياراجل؟نسيت تلبس جزمتك زي كل يوم ..عاوز تفضحنا في الحتة ..خد جزمتك اهي ..اجيب التانية؟

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

اضغط على الصورة للتكبير ..حكمت: امممممممم  صابر طلبات البيت … دقيق عيش  مسحوق سكر صلصة مكرونة ……………………………ياخويا ياترى نسيت؟؟؟؟؟؟؟؟؟

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

حبيت اخد رايكم واللي طبعا يهمني في الشئ اللي ممكن اخرني وعطلني عن التدوين لفترة …دي اول لوحاتي الزيتية …وياريت في ارائكم تاخدوا بالكم من ان دي بداية 

   اما الرسم والتلوين فهو هوايتي من زماااااااااااان من ايام ابتدائي 

امييييييييييييرة ..انهارده هاترسمي الاهرامات والسياح يلا

 أحط انا راسي في الكراسة واديها شغل لما يطلع عيني 

احط راسي في الورقة والعيال كلها بتلعب 

اخر السنة ماكانش في كراستي غير ورقة واحدة وجلدة الكراسة   واتحرمت من اللعب والتهريج في حصص الرسم بسبب المدرسة ديولما كانت تدخل كنت اخبي وشي منها وادعي ربنا ماتشوفنيش عشان الاشغال الشاقة

  أيام والله كانت لوز   ..وفي امتحان الاعدادية  مجموعي كان عالي

الحكاية  التانية

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

 دخلت مدونتي لقيتها ياعيني  امها خرابة .اه وربنا حاجة تحزن انا ماكنتش ناوية اكتب جديد بصراحة

اصل بعيد عنكم جالي حالة من التتييس  واللي مش فاهم  متيسة يسأل عن الحيوان الذي يطلق عليه التيس هو ذكر الماعز .. امع الاعتذار لكل التيوس وهم كتيييييييييير هههههههه ومن على شاكلتهم من الماعز والظباء والوعل والجدي الذرايبي وكل الفئة اللذيذة دي اللي مكبرين الجماجم  

حاجة غريبة حفزتني للكتابة فجأة ..وهي قرائتي للردود والتعليقات ..سبحان الله ..قد كده المدونة كانت كلها حيوية ونشاط وضحك وكركعة ..

ده حتى محطة مصر تيست هيا كمان وبطلت تلعلع ….المهم اني سايبه المحطة برده …غتاتة بالصمغ …هانحاول نحل مشكلتها ونشوف اذاعة تانية مش من فئة التيوس

ماعلش…اللوم عليا انا..هيا طبعا فترة طويلة فاتت من التتييس لدرجة اني الوقتي باكل ورق واشياء اخرى لا داعي لذكرها هنا

رغم ان الافكار اللي كانت في بالي لامؤاخذة كانت بتهجم عليا  هجوم شنيع ..والمواضيع بالهبل اللي ممكن اكتب فيها  بس برده يظهر ان التتييس كان اقوى من كل الفكاكات بتاعتي

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

انا: يوه ينيلك ده كلام يتقال 

انا :هههههههههههههههههههههههههههههههههههااااييييييييييييي اخخخخخخخخخخخخخخ لا طبعا مافيش غير 90 دقيقة والعاشرة مساء

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

الأمانة ..الأمانة اياكم وتضييع الأمانات …مهما زاد حجم الامانة وحملها بقا تقيل المفروض مانضعفش ولا نطمع فيها
حكوماتنا الرشيدة عندها قيم ومبادئ لا تتجزأ ..زي قيمة الامانة في حياة المصريين وترويض الشعب ازاي يحتفظ بالامانة لاقصى وقت ممكن
وهي الزبالة
يااااااااااااه قد كده الحكومة بتثق في شعبنا لدرجة انها بتسيب الزبالة في الشوارع وجنب البيوت امانة لانها ماتقدرش تسـتأمن حد غريب عليها
هوا صحيح الامانة دي غالية وكبيرة بس احنا اكبر منها .ايوه احنا اكبر من الزبالة دي ولا يمكن عنينا تزوغ عليها ولا نلعب فيها او نحركها من مكانها
لان ده يبقا خيانة وتبديد
وبيبان معدن الشعب الحقيقي في قوة تحمله للاحتفاظ بالامانة دي لفترات طويلة تتجاوز الشهور وجايز السنين من غير اي تعديل او تبويظ او خنسرة
منها من ورا الحكومة
مين فينا من المصرييين اهما حيوية وعزم وهمة مش مؤتمن على أمانة من النوع ده
أكيد كلنا حراس أمناء على الامانة اللي من النوع ده
والمخلص فينا صاحب الشهامة هوا اللي يزود الامانة ويكبرها ويرعاها  لحد ما صاحبها (اللي هيا الحكومة) تيجي وتطمن عليها وتتأكد ان المصريين
يقدروا يتحملوا ..مش زي بقية الشعوب الطرية اللي مابيستحملوش  غير 4 او 5 اكياس كل يومين
انما احنا بالصلاة على النبي ..احنا بقينا مدمنين زبالة بنشم زبالة ..بنتكيف ومخنا يتعدل من الروايح اللوكس
ناموس يقرص مستحملين وصامدين
دبان يعف علينا ..برده رجالة وشداد
أمراض تلوث وماله ..برده عتاولة و

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

مامي حبيبتي مهندسة زراعية ..بتفهم في جميع اوراق النباتات  الخضرا  وخصوصا .ورق العنب وورق الكرنب وورق اللورو..
عمرها ربنا يزيد ويبارك 56 فاضلها 4 زلطات وتطلع بره
مامي الحلوة من يوم مافتحت عنيا الحلوين لقتها بتخرج للشغل يوميا الساعة 8 بعد مانسمع فؤاد المهندس كلمتين وبس وهمسة عتاب
تشرب الشاي بحليب زي الشطاروتاخد معاها ساندوتشين واحد جبنة وواحد مربى وقشطة ومعاهم خيارة ..لزوم التطرية ..
والبروجرام اليومي ده مايتغيرش ابدا الا لظروف قاسية جدا
زي مثلا افطار جماعي من زميل او زميلة متبرع بساندويتشات فول وطعمية او فطير مشلتت  المتغمس في المش ابو سوسو ..
ووقتها البروجرام  بيتغير وبتبقا لقطة كلها ود وحنان وتالف عجيب بين الموظفين وبعضهم

ماما زي كل الموظفين اللي في بلدنا من احوالها باعرف النظام ايه
يااااااااااااااااه فين ايام تابلوهات الكنفاه اللي ماما ياما سهرت من الصبح للظهر تشتغلها بايديها  في الشغل هي وكل زميلاتها الموظفات
انا في رايي ان الوظيفة فادت ماما جدا جدا ..اتعلمت فيها الكنفاه  وعملت اجدع تابلوهات حية …وازاي تعمل بلوفرات تريكو اشكال والوان تدفينا في برد الشتا غير تدريبات على الباترونات والتفصيل على المكنة لانتاج اجدع بيجامات حريمي ورجالي 
واخدت ماما المستوى الاول في الجمهورية لحل الكلمات المتقاطعة …وياما ياما استفادت من الصالونات الثقافية لمناقشة ابواب هامة في الجرايد زي بريد الاهرام مع زملائها
ده غير الشوبينج اللي على المرتاح جدا وانت قاعد مكانك باشا الشوبينج يجيلك لحد عندك ..انت ماتقومش  …الباعة المتجولين هايفوتوا عليك ويرموا في حجرك اللي يقدرهم عليه ربنا و كله بالتقسيط
امشاط فلايات اطباق صيني ملابس اطفال وداخلية رجالي وحريمي وكل اللي في نفسك
ولا الجمعيات اللي بين الموظفين اللي ياما ياما اشتركنا فيها ومنها بيضنا وغيرنا الستاير وغيرنا سيراميك الحمام..ده غير توطيد الاواصر بين الموظفين وبعضهم
خصوصا لما موظف يتاخر في الدفع ويتحد الموظفين على كلمة واحدة بتعلم  علامة مش بطالة اعلى جبهة المتخلف عن الدفع
يووووووووووووووه…يعني الشغل بالنسبة لنا ولماما زي النادي تمام

لقيتها اليومين اللي فاتوا متعكننه ومتضايقة جدا جدا وكل يوم راجعة الضهر تنفخ ليه ياستي
قالتلي الحضور والانصراف بقا بالبصمة
يعني ايه ؟؟؟؟؟؟يعني جهاز نحط صباعنا عليه عشان تثبتي حضور ووقت الانصراف الساعة 2 برده نبصم
ماما وهيا بتنوح  :يعني بعد العمر ده كله …ياربي على اخر الزمن نقعد للساعة 2 واحنا بدرجة مدير عام  ايه التهزيئ ده…
ونجري في المديرية واحنا بنتدارى ورا الشجر والعربيات
عشان ماحدش يشوفنا ………
المصيبة السودا لو مابصمناش نتحول للتحقيق وخصم من المرتب

انا :طب والحل ايه انتي في سنك ده مش هاتستحملي تقعدي من 8 لحد 2  وكمان من غير شغل يعني ملل ..وانتي عمرك مامارستي رياضة اليوجا لفترات طويلة
وكمان من زمان اتعودتي على انك تروحي 8 قولي 8 وربع تبقي على مكتبك 8 ونص
تناميلك ساعتين وتزوغي  من المدير الساعة عشرة ونص  تبقي في البيت 11ونص عشان تلحقي الطبيخ ولسه كمان هاتتنططي في المواصلات عز الحر الساعة 2 وانتي بطلتي جمباز بقالك 5 سنين

ماما :لا لا ماهو ايه احنا سالنا وعرفنا ان المكنة دي اللي هما جايبنها بتبوظ بطريقة معينة ..كتر خيره عوضين الهي ينورله طريقه قالنا
لو بصمنا عليها واحنا داهنين صوابعنا كريم او فازلين المكنة تبوظ
وكمان اتفقنا كلنا اننا  نفضل نقشر في بتنجان طول الليل… لحد مابصمة صوابعنا تتشوه مكان السكينة والتقشير والبصمة ماتجيش ابدا
 والمكنة تفضل تقول again again
يعني تاني تاني لحد مايقولولنا امضوا في دفاتر الحضور والانصراف

انا: ااااااااااااااااااااه ودفاتر الحضور والانصراف مين اللي قاعد عليها اللي قاعد عليها عمو الاستاذ عوضين بيقبض من كل موظف شهريا مبلغ ويمضي هوا مكان الموظف
ههههههههههههههههههههههههه

ده فيه موظفين مابيجوش اساسا الشغل الا لصرف المرتب شهريا وطبعا ليهم بيزنس بره في ااوقات العمل الرسمية

واللي بيمضي مكانهم هوا الاخ  المناضل عوضين
عشان كده تلاقي الاخ عوضين من يوم

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

علي دايخ ودماغه بتللؤ بس شايف شربات داخلة عليه واحدة واحدة وشايلة في ايديها ؟؟؟
علي :ايه ده ؟؟..ياآخر لحظاتك ياعلي .. ايه اللي انا شايفه ده  .. جمجمة ؟؟جمجمة؟  والله العظيم جمجمة تلاتة بالله العظيم جمجمة
اصحى ياعلي فوق ياخويا .. لا لا لا  فوق انت بتحلم  مش كده برده؟؟
وايه اللي في ايديها التانية ايه ده اللي شايلاه ؟؟فاس ؟؟ اهئ اهئ انا كان قلبي حاسس ان نهاية حياة قرصان لازم هاتبقا مقندلة بستمية الف نيلة
..ياخيبتك ياعلي ياترى ايه اللي هايجرالك وشربات هاتضرب بالفاس في اي منطقة بالظبط ..علي وهوا  دايخ مغمض  ..ياأخت شربااااات ..مافيش بعد إذنك ساطور
أحسن؟؟..بلاش الفاس مش عاوز معالمي تضيع ..  خليها ساطور.. ده انتي ست مصرية جدعة..ليه مش زي اخواتك المصريات ليه؟؟ مشيها ساطور وخلي الاكياس البلاستيك عليا
كده يامعلم عسران ..انا عملت ايه فيك؟؟طيب بلاها شربات وناخد حلاوتهم..حلاوتهم ..حلاوتهم  ..فين مياه النار ؟؟ رشة تفوت ولا حد يموت
علي وعنيه بتزوغ خلاص:ليه ياشربات كده ليه؟؟؟ ده انتي دخلتي قلبي خلاص …وقعد ينوح ويولول  ..خلاص المخدر وصل للقمة وعلي بيغني بصوت ضعيييييييييييييف
 الارض العطشانة نرويها بدمانا  بدمااااااااااااناااااااا    دماااااااااااااااانااااااااااااااا  دماااااااااناااااااا   خخخخخخ ونوم عميق)
وشربات بتقرب من علي حبة حبة وبتبصله وكانها واحدة تانية مش في وعيها ..علي وقع من فوق الكرسي علي الارض   على وشه  بعد مافقد وعيه

وشربات ركنت الجمجمة جنب دماغ علي بالظبط وقعدت تكلمها بكلام مش مفهوم اكتر من عشر دقايق وبعدين باست الجمجمة في راسها وحسست على قرعتها بحنان غريب
ورفعت الفاس بكل قوتها عشان تنزل بيه على راس علي وهيا بتقوله: كلمة واحدة هارد بيها على كله اللي عملته فيا وفي الكوباية.. يافلاء الجماجم ياشعبان الكلب
بس اللي وقفها خبط جامد ودق شديد على باب الاوضه وصوت المعلم عسران والواد صبيه شمه وهما بينادوا عليها شربات افتحي
ياشربات افتحي ..مش هوا ده ؟؟ مش هوا ده شعبان ؟؟ مش هوا ده شعبان .. ده عريسك واسمه علي ..وخبط خبط كل ده وشربات رافعة الفاس
وبتبص على باب اوضتها وهيا تايهة
المعلم شخط في شمه :اكسر الباب ..بسرعة المعلم علي يوسف  هيروح في  شمة مياه ياجدعان
شمة رجع لورا كتير اوي وقام مندفع مرة واحدة وهوا باقصى سرعةوبيصرخ :هااااااااااااااااااا
واصطدم بالباب بكل قوته  لقا نفسه جوه الاوده بيجري مندفع غصب عنه وقام متكعبل في جسم علي ومرمي فوقه بالظبط ..وشربات بتبصلهم وهيا مبرقة عنيها
دخل المعلم بسرعة ونتش الفاس من ايد شربات..وقام لاطشها حتة قلم ..بعدها شربات كأنها صحيت من حلم وهيا بتقول في ايه؟؟في ايه؟؟
؟؟؟حصل ايه
علي نايم على الارض بدأت عينية ترمش ويفتح واحدة واحدة بص لقا  وش شمه في خلقته وعين شمة في عينه علطول
علي وهوا دايخ لسه وماسك راسه :لا اله الا الله ..ايه الخلقة دي هيا الكوابيس دي مش هاتخلص بقا ؟؟ولا ايه ؟؟..لا لا انا متفق مع عسران اني اتجوز شربات ماتفقتش على كده خالص .. ااااااه ..بيدور وشه عشان مايشوفش شمة بص لقا جنب دماغه جمجمة صرخ  بهستريا :اااااااااااااااااااااااااااااااااااااه لالا رشة تفوت ولاحد يموت رشة تفوت ولا حد يموت  ..
وقعد يبلبع في حبوب صرع حباية ورا التانية وعنيه بدأت ترمش والحالة اياها شغالة معاه
والمعلم مسك ايد شربات …وشمة بسرعة طلع حقنة من جيبه وعلطول حقن بيها شربات في ايديها
علي حاول يقوم بس رجليه مش شايلاه وهوا عرقان وبيرتعش وبيفتش في جسمه على اللي الحته اللي اتقطعت بعد ماشربات نزلت عليها بالفاس ..لقا نفسه سليم
بص حواليه شاف شربات

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

 علي بقاعلى نار..حد يصدق ان المنيل على عينه المجرم اللي كانت بتتهزله البحار يبقا رقيق كده وقلبه بيصوصو من كتر الفرحة

دخل شمة وعلي عينيه هاتخرم الباب ..ايه ده ؟؟شمه لوحده

المعلم عسران :فين ياض البت شربات؟؟

شمة :مش راضية تيجي يامعلم ..بتلطم وتنوح وتقول مااتجوزش صومالي وعيالي يطلعوا سود

علي دلدل راسه لتحت بكسوفوحس انه المنحوس منحوس

المعلم هاج وقال ماعنديش حد يقول لا هنا.. واللي اقوله هوا اللي يمشي ..والراجل مايعبوش الا جيبه

علي بص بسرعة على نفسه لقى نفسه من غير جيب لان اساسا مافيش بنطلون وفكر بمنطق المصريين يبقا علي الوقتي مايسواش دكر عنكبوت

المعلم :طب واللي خلق الخلق علي هايتجوز حلاوتهم يعني هايتجوز حلاوتهم

علي اتخض اول ماسمع اسم حلاوتهم وافتكر علطول مياه النار ووشه بعد التشويه ممكن يبقا شكله ايه .. جري بسرعة على المعلم وباس ايده وقاله يامعلم  ركز ابوس جزمتك قصدك شربات

المعلم :اه صحيح هوا انا قلت ايه..؟؟؟

شمة :اومراك يامعلم يبقا نبتدي معاها في الطريقة 14 وهيا هاتنخ وتقبل علطول

المعلم : بلاش 14 خليها الطريقة 33

شمة :بس يامعلم  الطريقة 33 دي شديدة اوي

علي في سره :الاغبيا دول ممكن يبهدلوها ..دول في الاول والاخر شوية شمامين

 علي وهوا بيمسح على قفاه :هيا ايه الطريقة 33 ؟؟

شمة :قطع الرجل اليمين

علي جاله فزع بشري وقلق جامد على عروسته ومش عاوز يتجوز واحدة برجل واحدة ومايقدرش يشوفها بتتعذب وكمان بسببه 

علي فكر بدهاء يقنع المعلم بشيل الفكرة المنيلة دي من دماغه

علي:يامعلم بعداذنك ياكبير والراي برده ليك

باقول بلاش الطريقة 33 دي عشان المؤسسة هاتخسر عضو من اعضائها وهايبقا عالة علي المؤسسة ومش هانعرف هانستفيد منه

المعلم وهو بيهرش في دماغه (قال يعني بيعرف يفكر )

معلوم برده ..كلام يخيش في النافوخ يامعلم علي

علي :ممكن انا هاروح اقنعها بالجواز يامعلم ؟؟

المعلم: وماله ده حتى كل شئ بالخناق الا الجوزه بالإتفاق

علي :يامعلم جوزة ايه قصدك الجواز؟؟؟في سره (الهي ماتفوق ابدا يامنيل)

شمة:اخده يامعلمي؟؟؟

المعلم:خده وماتتاخرش عاوزين نقرا الفاتحة انهارده ونلبس شبكة

علي كان طاير في السما معقول الطرواة اللي هفهفت على حياته على غفلة كده  قراية فاتحة وتلبيس شبكة وفي سره اتمنى ان المعلم يخلص ويقول دخله كمان..بس يارب  يارب شربات تقبل بيا..آآآآآخ

علي بالمناسبة رغم انه صومالي ولكن وسيم جدا طويل ورشيق واسمر جذاب جدا

شمة خرج مع علي بعد ماجابوله هدوم جديدة واستحمى بقا اخر تمام وخرجوا بره البهو اللي كان فيه وشاف اللي عمره ماكان يصدق انه يشوفه

المكان كبير جدا قديم وعتيق وواسع مليان طرقات وكل طرقة فيها مايقلش عن 20 غرفة وكل غرفة على بابها رقم …في مكان مشترك كبير زي استقبال مفروش بسجاد فاخر واضاءة حمرا خافتة وصور غريبة على الحيطان لناس شكلهم غريب ويشبهوا المعلم كتير 

علي سال شمة:مين الناس اصحاب الصور دي 

شمة :انت مابتعرفش تقرا بص تحت الصورة اهو المجاهد المعلم الدوكش ولد عام 1933 ولقى حتفه في ميدان المعركة مع رجال العسس عام 1995 ..وله خدمات جليلة في مجال السطو المسلح 

علي :العسس؟؟ شمة اه :المعلم مابيحبش نقول سيرة البوليس في المؤسسة خالص

علي:ومين ده اللي مخنوق ولسانه مدلدل بره

شمة :ده المجاهد المعلم المغفور له بامر الله صابونة العفش ولد عام 1941 وتوفي في غرفة الاعدام شنقا عام 1988 وذلك بعد خدمات جليلة في عالم القتل والتزوير

 الاستقبال مليان اعضاء وزملاء علي في المؤسسة والجداد عليه طبعا ..وقاعدين اخر انسجام اللي بيضرب على العود  واللي بيغني ..واللي بيضرب بيره واللي بيشم ..واللي بيلعبوا كوتشينة وقمار.. وخلافه

شمة طول ماهو ماشي

سلامات ياباكتة اذيك ياض ياافيونة

انت ياض ياكرسي ابقا عدي على المعلم عاوزك ترصله رصة كل يوم

والغريبة انهم كانوا مش بالعين علي ولا قابلينه ابدا ورغم انه كان بيرمي السلام بس ماحدش كان بيرد عليه

علي سأل شمة..هما ليه الزملا مش مبسوطين كده وشكلهم زي مايكونوا زعلانين مني

شمة :اصلك مش واخد بالك ..المعلم ياما اتقدمله موظفين من عندنا في المؤسسة عشان يتجوزوا شربات وهوا مارضيش يجوزها لحد ابدا ..وادهالك انت

علي طبعا مش مصدق نفسه ..اكيد شربات آية من الجمال وحظه ولو لمرة واحدة من يوم ماجيه مصر هايتعدل..علي في سره: ياحظك ياعلي وضحكة مدارية

فضلوا ماشيين طرقات كتيرة وغرف مالهاش عدد ومجرمين كتير كل واحد فيهم عارف هوا بيعمل ايه لحد علي ماخبط في كتف واحدة بيقولوا عنها انها ست وهيا شكلها زي بسم الله الرحمن الرحيم اخوانا البعدا اللي تحت الارض وفي ارتفاع جبال الهيمالايا..خبط فيها وقفوا الاتنين مكانهم  بصت لعلي بصة في عنيه بالظبط كلها غل ..

علي بيكلمها ورقبته لفوق فوق اوي وقالها: ماعلش اسف ماقصتدش اني اخبط حضرتك

بصت لعلي من تحت بغيظ وقالتله بصوت زي الرعد بشرشحة :نععععععععععععم ياروح امك هوا انت اصلا كنت تستجر تخبطني قاصد متعمد ..لا ده انت ماتعرفنيش ..اسال هنا اي طور يقولك من هيا حلاوتهم

اااااااااه

علي سمع اسم حلاوتهم وقلبه وقع في رجليه وقال في سره وهوا بيبلع اللي فاضل من ريقه اللي نشف:حلاوتهم ياحظك المطين ياعلي اه لو عرفت انك علي يوسف اللي رفض الجواز منها 

بصلها وهوا بيدور بعنيه على ازازة مياة النار اللي بتشيلها للعوزة دايما وخايف انها تتعصب زيادة عن كده ومتوقع في اي لحظة تقوم خابطاه في وشه بمياه النار..وكان سامع صوت دقات قلبه يخرم الودان

وقالها:ازاي ازاي ياست حلاوتهم حد مايعرفش القمر لما يهل ..النار لما تول..قصدي النور لما يولع وينور الضلمة ..حلاوتهم هديت شوية وقالتله اااااااه بحسب

قالها :لالا اوعي تحسبي اي حاجة احنا خدامينك انتي والمعلم الصغير اللي في بطنك

حلاوتهم :مين ياض ياشمة ده مستجد هنا

شمه كان لسه هاينطق ويقول ده علي يوسف

علي لحقه وسد بقه وقالها: انا المعلم ليفة المفش صاحب المعلم عسران الروح بالروح وياما شمينا سوا أيام المدرسة الابتدائي

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

زي مابهدلت المنتخب وطلعت عينه في ادراج  جووووووووووووون

لازم الوقتي ااقول جوووووون بس بجد وبصرخة وفرحة من القلب

مبارة مصر والبرازيل لسه خالصة حالا

شفت من المنتخب اللي عمري ماكنت اصدقه

وزي ماجرست المنتخب في ادراجي اللي فات  وفضحته فضيحة بجلاجل قدام الخلايق من غيرتي على مصر وحبي ليها

لازم اصالح المنتخب برده علني وفي ادراج

اداء مشرف رجولي بطولي …كنت باشوف الماتش وقلبي بيرقص من الفرحة

يعني برده لازم تعترفوا ان ادراج جووووووووووون جاب نتيجة

ويعني لازم نهزأ المنتخب واللعيبة في مكتوب عشان يمشوا عدل

معقول ؟؟؟

جوووووووون التريقة اللي فات كان وشه حلو على المنتخب

أوعدكم قبل كل مبارة مهمة انزل ادراج بستفة للمنتخب

ههههههههههههههه

والله العظيم انا فرحانة من كل قلبي

المنتخب المصري رغم ان النتيجة 4 البرازيل و3 مصر

ولكن راسي فوق … والحكم بقا الله يكرمه في ضربة الجزاء اللي قبل نهاية الماتش بدقيقتين

مش كان طنش وخلاص؟؟؟ يفرح الناس الغلابة شوية

الحمد لله والف والف مبروك لمصر

حد يصدق ان البرازيل ترتبك وتتمنى جون ومش قادرة تجيبه..ممرمطناها من الاخر

رجالة بجد …المحمدي وابو تريكة وحسني عبد ربه  وزيدان وكلهم …ربنا يحميهم

وحسن شحاته ربنا يكرمه ويبعد عنه الاسهال يارب

مبرووووووووووووك

واخر كلامي

جوووووووووووووووووون> 

جوووووووووووووووووووون> 

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج

عاجبكم اللي حصل في ماتش مصر والجزاير…حتى الكمبيوتر بتاعنا  ماعجبوش اتحرق مع الشماريخ وفرقع في وشنا..

 اتهبدنا 3 قصاد واحد يتيم دخل بالصدفة في غفلة من الزمان..طبعا اولا الف مبروك للجزائر الشقيق وهما يستحقوا الفوز …انا مش غايظايني الهزيمة لالا مش غايظايني….بس اللي فاقع ام مرارتي الهليلة اللي بتبقا قبل الماتش تلات ..اربع سنين…يعني كاس العالم يخلص من هنا ونبدأ احنا نطبل ونصقف .. برامج وحوارات عن التصفيات لكاس العالم  اللي بعده…ماتفتكروش عشان نرتب هانعمل ايه في كاس العالم…لا لا مخكم مايروحش بعيد ….ده  عشان نرتب هانتفرج عليه كلنا ازاي بقا ؟؟في القهوة ياترى؟؟ والمشاريب هاتبقا على مين وياترى وقتها صاحب القهوة الحاج كراوية هايكون لسه عايش ولا مات …ولو مات يادي الحوسة القهوة هاتبقا مقفولة نروح لمين؟؟؟ولا  نشوفه في التلفزيون  أحسن ..ولا على النت ؟؟؟؟؟وماانصحش حبايبي بقصة الفرجة من على النت دي…اصلها تجربة حزينة جدا لسه اثارها في وشنا

اللي يبص على برامج الكورة في مصر يتهيألوا اننا في البرازيل او الارجنتين …الكورة مع زهير ..الكورة مع سليم

(قناة سليم بتاعة احمد نشأت)وايشي حامد المندور ومدحت شنبي واحمد زهير وزهدي عبد الغني وماهرابو زيد والمحلل المعروف محمود مخلوف  …حقيقي برافو عليهم في الحقيقة بيعملوا معجزة مش قادرة افهمها لحد الوقتي المذيع بيفضل يذيع 24 ساعة متواصل وعلى الهواء ازاي؟؟هاتجنن والله ولا يتعب ولا يكح كحة حتى .. تلاقي مذيع في برنامج شغال ومعاه ضيف كروي برده …مثلا الكابتن حسن سكسوكة ..تقوم تزهق من عيشتك ومن حسن سكسوكة .. وتقلب على القناة التانية تغيير يعني … تلاقي بقدرة قادر نفس المذيع بقا  ضيف  وحسن سكسوكة بقا هوا المذيع وبيتكلموا برده في نفس الموضوع  الحمضان  بكل حماس غريب مش مفهوم….هههههههه( بالمناسبة هوا حسن المستكاوي)

ايه ده كله …على ايه ؟؟؟اللي يشوف كده يفتكر ان شعبنا رياضي جدا والرياضة جزء من حياته اليومية مع ان في الحقيقة بقا شعبنا مش بيعمل اي رياضة خالص غير في حاجتين طوابير العيش (رياضة المصارعة) عشان اللي يقتل زميله يفوز برغيف مجانا …والمواصلات (رياضة العدو لمسافات طويلة)علشان تلحق توصل اسرع من الاتوبيس ….وفي الاخر كل مرة نتهبد الاجوان المتينة …سواء عندنا في مصر ولا بره مابتفرقش يعني حته على ارض مين وبلدنا والحاجات الوطنية اللي تقطع القلب دي   ..وياحبيبتي يامصر يامصر ..ياحبيبتي يامصر يامصر ..ياحبيبتي يامصر يااااامصر…ماشافش الولاد السمر الشداد والعزم اندعـء …دي اغنية في الفترة الاخيرة بنشغلها علطول قبل الماتش ونقعد نصقف ونزغرت  عشان مانضمنش بعد الماتش هاينفع نشغلها ولا لا؟؟ اهو برده نبقا عملنا حسابنا وفرحنا

وهيصنا  هههههههه ..انا باقترح عشان الشعب الغلبان اللي نفسه قبل مايموت ويقابل وجه كريم ان مصر تروح كاس العالم …اننا نعمل ونصنع عندنا  كوز العالم ويكون صناعة مصرية اصيلة وتشطيب حلو ونعمل فرق زي البرازيل واسبانيا والعالم دي ونلعب مبارايات وتتذاع برده على القنوات المصرية ومصر تفوز في الاخر بكوز العالم واللعيبة تتلم في المدرجات ويرفعوا كوز العالم وياخدوا صور تذكارية ..ويلفوا بيه الملعب ويخطفوه من بعض ويبوسوه .. وبكده الشعب يفرح ويرفع راسه فوق بعد ماخدنا كوز العالم

 بيتحرق دمي جدا لما باشوف الا

المزيد

ـــــــــــــــــــــــــــــــــــــــــــــــــــــــــ

التصنيفات : فكاهية جدا |

دوّن الإدراج